کراچی : قومی احتساب بیورو کی جانب سے کال اپ نوٹس جاری ہونے کے بعد اسپیکر سندھ اسمبلی آغا سراج درانی گرفتاری کے خدشے کے پیش نظر ضمانت کیلئے سندھ ہائیکورٹ پہنچ گئے۔
تفصیلات کے مطابق قومی احتساب بیورو (نیب) نے اسپیکر سندھ اسمبلی آغا سراج درانی کوکال اپ نوٹس جاری کردیا ، جس میں کہا ہے کہ بے نظیر بھٹو شہید یونیورسٹی لیاری میں غیرقانونی بھرتیاں ہوئیں، بھرتیاں آغاسراج درانی کی سفارش پرکی گئیں، بھرتیاں مختلف عہدوں پرغیرقانونی طریقےسےکی گئیں۔
نیب کے کال اپ نوٹس کے بعد سراج درانی گرفتاری کے خطرے کے پیش نظر ضمانت کیلئےسندھ ہائیکورٹ پہنچ گئے، دائر درخواست میں موقف اختیار کیاگیا ہے کہ گرفتاری کاخدشہ ہے ضمانت منظور کی جائے ۔
خیال رہے آغا سراج درانی ودیگرکیخلاف ریفرنس احتساب عدالت میں زیر سماعت ہے ، ریفرنس میں آغا سراج درانی کی اہلیہ ،4 بیٹیاں ، 2 بیٹے مفرور ہیں۔
یاد نیب حکام نے اسپیکرسندھ اسمبلی آغا سراج درانی کے خلاف آمدن سے زائد اثاثوں کاریفرنس دائر کیا تھا ، دائر ریفرنس میں آغاسراج سمیت بیس ملزمان کو نامزد کیا گیا تھا، ملزمان پر ایک ارب ساٹھ کروڑ روپے کی کرپشن کا الزام ہیں۔
