اسلام آباد: سال 2017 کے آگاہی ایوارڈز برائے صحافت کا اعلان کردیا گیا۔ ایوارڈز میں عوامی رائے کی بنا پر اے آروائی نیوز مقبول ترین چینل قرار پایا‘ جبکہ آف دی ریکارڈ کے اینکر کاشف عباسی سب سے زیادہ با اعتبار اینکر کے ایوارڈ کے حقدار ٹھہرے۔
تفصیلات کے مطابق آگاہی ایوارڈز2017 کی سالانہ تقریب اسلام آباد میں جاری ہے جس میں اے آر وائی نیوز کو عوامی سروے کی بنیاد پر پاکستان کے ’چینل آف دی ایئر‘ کے ایوارڈ سے نوازا گیا ہے۔
اسی تقریب میں اے آر وائی نیوز کے فلیگ شپ شو ’آف دی ریکارڈ ‘ کے میزبان کاشف عباسی کے سب سے زیادہ’با اعتبار‘ اینکر کے ایوارڈکے فاتح قرار پائے ہیں ‘ کاشف عباسی طویل عرصے سے اے آروائی نیوز سے وابستہ ہیں اور ان کا شو عوام کے ہر طبقہ فکر میں یکساں مقبول ہے۔
آگاہی ادارے نے حاصل ہونے والی درخواستوں کو مدنظر رکھتے ہوئے ایک 60 رکنی کمیٹی تشکیل دی تھی۔ کمیٹی اراکین نے انتہائی سخت جانچ پڑتال کے عمل کے بعد فاتح صحافیوں کا فیصلہ کرتے ہوئے ایوارڈز کا اعلان کیا۔
آگاہی ایوارڈز 2016: اے آر وائی نیوز مقبول ترین چینل قرار
یاد رہے کہ گزشتہ سال بھی اے آروائی نیوز چینل آف دی ایئر کے ایوارڈ کا فاتح تھا اور اس کے ساتھ ہی مختلف کیٹیگریز میں اے آروائی نیوز کے پانچ صحافی فاتح قرار پائے تھے۔
یہ خبر ابھی اپ ڈیٹ کی جارہی ہے
