راولپنڈی: سری لنکا کے خلاف ڈیبیو ٹیسٹ میں سنچری بنا کر ریکارڈ قائم کرنے والے پاکستانی کرکٹر عابد علی نے بنگلادیش کے خلاف بھی ٹیسٹ کو اپنے لیے ڈیبیو قرار دے دیا۔
راولپنڈی میں جاری پاک بنگلادیش ٹیسٹ میچ کے حوالے سے عابد علی نے کہا کہ اسی میدان پر ڈیبیو کیا تھا اور اب بنگلادیش کے خلاف بھی میچ میرے لیے ڈبیبو ہے۔
عابد علی نے کہا کہ نیا میچ ہے نئی ٹیم ہے، اس لیے بنگلادیش کے خلاف بھی بیٹنگ ڈیبیو میچ کی طرح کرنا چاہتا ہوں۔
انہوں نے کہا کہ ڈیبیو میچ میں کامیاب رہا تھا اس میچ کے لیے پوری تیاری کی ہے، پنڈی کی وکٹ پر جو سیٹ ہوجاتا ہے وہ زیادہ اسکور کر سکتا ہے، ڈیبیو میچ کی پرفارمنس دہرانے کے لیے تیار ہوں۔
یہ بھی پڑھیں: عابد علی نے عالمی ریکارڈ بنا ڈالا
اوپنر کا مزید کہنا تھا کہ اپنی باری کا انتظار ہے، حالات کے مطابق بیٹنگ کرنے کی کوشش کروں گا اور لمبی اننگز کھیلنے کا خواہشمند ہوں۔
💯 on ODI debut ✅
💯 on Test debut ✅Well done @AbidAli_Real 👏👏👏#PAKvSL pic.twitter.com/aTblVb7wZa
— Pakistan Cricket (@TheRealPCB) December 15, 2019
واضح رہے کہ عابد علی نے سری لنکا کے خلاف ڈیبیو ٹیسٹ میں سنچری اسکور کر کے عالمی ریکارڈ بنایا تھا۔ دائیں ہاتھ کے بیٹسمین نے یہ سنگ میل سری لنکا کے خلاف راولپنڈی میں کھیلے گئے سیریز کے پہلے ٹیسٹ کے پانچویں روز حاصل کیا تھا، وہ ون ڈے اور ٹیسٹ کیریئر کی پہلی اننگز میں سنچری بنانے والے دنیا کے واحد بیٹسمین ہونے کا اعزاز بھی رکھتے ہیں۔
32 سالہ عابد علی نے رواں سال آسٹریلیا کے خلاف دبئی میں کھیلے گئے ون ڈے میں ڈیبیو پر سنچری اسکور کر کے نہ صرف اپنی سلیکشن کو درست ثابت کیا تھا بلکہ دنیائے کرکٹ کی توجہ کا مرکز بھی بھی بن گئے تھے۔
