The news is by your side.

Advertisement

پی ایس ایل 7 کا ترانہ ریلیز کر دیا گیا

پاکستان سپر لیگ سیزن سیون کا آفیشل ترانہ جاری کر دیا گیا۔

آگیا وہ شاہکار جس کا تھا سب کو بےصبری سے انتظار، پی ایس ایل کے نئے سیزن کا نیا ترانہ آ گیا۔ ترانےکا ٹائٹل "آگے دیکھ” ہےجس میں عاطف اسلم اور آئمہ بیگ نے آواز کا جادو جگایا ہے۔

یہ ترانہ پی ایس ایل 7 کے انعقاد پر شائقین کرکٹ کے جوش و جذبہ کی عکاسی کرتا ہے جو پاکستان سمیت دنیا بھر کو درپیش کووڈ 19 کی اس غیر معمولی صورتحال کے دوران شائقینِ کرکٹ کے لیے تفریح کا باعث بنے گا۔

عبداللہ صدیقی نے اس ترانے کو کمپوز کیا ہے جبکہ عاطف اسلم اور آئمہ بیگ نے آٖفیشل ترانے میں اپنی آوازوں کا جادو جگایا ہے۔

واضح رہے کہ پاکستان کرکٹ بورڈ کے چیف آپریٹنگ آفیسر سلمان نصیر کا کہنا ہے کہ پی ایس ایل کے معیاری ترانوں کو نہ صرف پاکستان بلکہ دنیا بھر میں خوب پذیرائی ملتی ہے۔

ادھر مختصر دورانیے کی ویڈیوز بنانے اور شیئر کرنے والا عالمی پلیٹ فارم، ٹک ٹاک پاکستان سپر لیگ کے ساتویں ایڈیشن کے آفیشل ترانے کو اسپانسر کررہا ہے۔

پاکستان کرکٹ بورڈ کے چیف آپریٹنگ آفیسر سلمان نصیر کا کہنا تھا کہ ٹک ٹاک کے ساتھ شراکت داری کا دو سالہ معاہدہ کیا تھا جس سے یہ تعلق مزید مضبوط ہوگا۔

Comments

یہ بھی پڑھیں