اسلام آباد:تحقیقاتی اداروں نے تحریک انصاف کی ممنوعہ فنڈنگ کیس کی تحقیقات کا دائرہ بیرون ممالک تک بڑھانے کا فیصلہ کرلیا۔
تفصیلات کے مطانق تحریک انصاف کی ممنوعہ فنڈنگ کے معاملے پر تحقیقاتی اداروں نے تحقیقات کا دائرہ بیرون ممالک تک بڑھانے کا فیصلہ کرلیا۔
ذرائع نے کہا کہ امریکا اور برطانیہ سمیت جہاں سے بھی فنڈ آئے اب تحقیق ہو گی ، ایف آئی اےبیرون ممالک کی تحقیقاتی ایجنسیوں سے بھی معاونت لے گا۔
ذرائع نے بتایا کہ ایف آئی اے ان ممالک کی کمپنیزوشخصیات سےمتعلق معلومات حاصل کرے گا، ایف بی آئی ، نیشنل کرائم ایجنسی سمیت دیگر اداروں سے مدد حاصل کی جائے گی۔
ایف آئی اے کے ذرائع نے کہا کہ تحقیقات ابھی ریکارڈ و اکاؤنٹس اکٹھے کرنے کے مرحلہ میں ہے، دوسر ے مرحلے میں معلومات کو یکجا کیا جائے گا۔
