الیکشن کمیشن کا کہنا ہے کہ پنجاب میں بلدیاتی انتخابات میں2لاکھ5ہزار مشین درکارہوں گی لیکن 120 دن کے اندر مشینوں کی خریدای ممکن نہیں۔
تفصیلات کے مطابق چیف الیکشن کمشنر کی زیرصدارت الیکشن کمیشن میں اہم اجلاس ہوا جس میں پنجاب میں بلدیاتی انتخابات اورحلقہ بندیوں سےمتعلق غور کیا گیا۔
سیکرٹری لوکل گورنمنٹ پنجاب نےآرڈیننس 2021پر بریفنگ دی جب کہ اسپیشل سیکرٹری الیکشن کمیشن نے چند ترامیم کی تجویز دی۔ الیکشن کمیشن نے پنجاب کے بلدیاتی انتخابات ای وی ایم سےکرانےپر رضامندی کا اظہار کیا۔
الیکشن کمیشن کا کہنا ہے کہ بلدیاتی انتخابات میں ای وی ایم پرکوئی اعتراض نہیں ہے وفاق یاصوبائی حکومت مشینوں کو خود تیار کرےتو استعمال کیا جاسکتاہے۔
اعلامیہ میں کہا گیا ہے کہ پنجاب میں بلدیاتی انتخابات میں2لاکھ5 ہزار مشینیں درکار ہوں گی، الیکشن کمیشن نے مشینوں کی خریداری مارکیٹ سےکرنی ہے تمام قواعدوضوابط اورپیپرارولزکےمطابق خریداری کی جائےگی، چند ویلج اور نیبرہوڈ کونسلز میں ای وی ایم کی پائلٹ ٹیسٹنگ کی جا سکتی ہے لوکل گورنمنٹس تحلیل کےبعد 120 دن میں انتخابات ضروری ہے لیکن 120دن کےاندرمشینوں کی خریدای ممکن نہیں۔
