اسلام آباد : نگراں پنجاب حکومت اور تحریک انصاف کے درمیان معاہدہ طے پاگیا، جس کے تحت تحریک انصاف وارنٹس کی تکمیل اور سرچ وارنٹس کیلئے پولیس سےتعاون کرے گی۔
تفصیلات کے مطابق نگراں حکومت پنجاب اور تحریک انصاف کے درمیان معاہدہ طے پاگیا، معاہدہ 3 بجے لاہور ہائیکورٹ میں جمع کرایا جائے گا۔
معاہدے کے تحت تحریک انصاف وارنٹس کی تکمیل اور سرچ وارنٹس کیلئے پولیس سےتعاون کرے گی۔
معاہدے میں کہا گیا ہے کہ پی ٹی آئی 14 اور 15 مارچ کو درج مقدمات میں تفتیش میں تعاون کرے گی، پولیس کی جانب سے ایس ایس پی عمران کشور فوکل پرسن ہوں گے جبکہ تحریک انصاف کی طرف سے شبلی فراز اور علی خان فوکل پرسن مقرر کیا گیا ہے۔
یاد رہے لاہور ہائی کورٹ نے چیئرمین عمران خان کے وارنٹ پر تعمیل کے حوالے سے مشاورت کرکے آگاہ کرنے کی ہدایت کی تھی۔
عدالت نے ریمارکس دیئے تھے یہ سارا مسئلہ اس لیے ہو اکہ وارنٹ کی تعمیل نہیں ہوئی، آپ لوگ اعلی افسران کے ساتھ بیٹھیں اور دیکھیں کہ آگے کیسے کرنا ہے، ہم چاہتے ہیں مستقبل میں ایسا کچھ نہ ہوا اور جو مقدمات درج ہوئےاس میں کسی کو سیاسی انتقام کانشانہ نہ بنایاجائے۔
