شوبز انڈسٹری کے معروف اداکار احد رضا میر نے رمشا خان کے ساتھ تعلقات کی افواہوں پر بات کرنے سے صاف انکار کردیا۔
اداکار احد رضا میر سے ایک انٹرویو میں سوشل میڈیا پر وائرل ہونے والی افواہوں سے متعلق سوال پوچھا گیا جس پر انہوں لب کشائی نہیں کی اور کہا کہ لوگ جو سمجھنا چاہیں سمجھیں۔
میزبان نے اداکارہ رمشا خان کا نام لیے بغیر سوال کیا کہ سوشل میڈیا پر آپ کی تصاویر سامنے آتی ہیں جس پر مداح کے ذہنوں میں یہ خیال آنے لگتا ہے کہ کیا یہ سنگل ہیں؟
انہوں نے کہا کہ کیا آپ ان سوالات پر کچھ کہنا چاہیں گے؟
جواب احد رضا میر نے کہا میں بور قسم کا انسان ہوں، مجھے نہیں لگتا لوگوں کو میری زندگی کے بارے میں جاننے میں دلچسپی ہوگی، میں چاہتا ہوں میری زندگی نجی رہے اورلوگ وہی سمجھتے ہیں جو وہ سمجھنا چاہیں۔
اداکار نے مزید کہا مجھے نہیں لگتا کہ میری کسی تصویر یا سوشل میڈیا پوسٹ پر مجھے کسی کو بھی وضاحت دینے کی کوئی ضرورت ہے۔
واضح رہے کہ سجل علی اور اداکار احد رضا میر کی شادی مارچ 2020 میں ہوئی تھی۔
بعدازاں 2022 میں خبریں سامنے آئیں کہ سجل اور احد کے درمیان طلاق ہوچکی ہے لیکن ان افواہوں پر دونوں اداکاروں کی جانب سے کوئی ردعمل نہیں دیا گیا، نہ ہی سجل اور نہ ہی احد رضا میر نے ان خبروں کی تصدیق یا تردید کی۔
