کراچی: شوبز انڈسٹری کی مقبول جوڑی احد رضا میر اور سجل علی کی طلاق کی خبریں سوشل میڈیا پر زیر گردش ہیں تاہم دونوں کی جانب سے اس کی کوئی تصدیق یا تردید نہیں کی گئی ہے۔
معروف پاکستانی اداکار احد رضا میر کی طلاق کی افواہوں کے بعد ان کی ایک ویڈیو سوشل میڈیا پر وائرل ہورہی ہے جس میں انہوں نے دبئی ایکسپو میں شرکت کی تھی۔
انسٹاگرام کے مختلف اکاؤنٹس پر احد رضا میر کی رواں سال دبئی ایکسپو سے لی گئی ایک ویڈیو وائرل ہورہی جس میں انہیں اسٹیج پر مداحوں سے خطاب کے لیے آتے دیکھا جاسکتا ہے لیکن جیسے ہی انہوں نے کچھ کہنے کے لیے مائیک اٹھایا تو مداحوں نے ’سجل سجل‘ کے نعرے لگانا شروع کردیے۔
مداحوں کے پرجوش ہونے پر احد رضا میر ہنستے ہوئے خاموش ہوگئے اور مداحوں کا شکریہ اداکیا۔
واضح رہے کہ گزشتہ دنوں سجل نے اپنے انسٹاگرام اکاؤنٹ کے نام سے احد رضا کا نام ہٹایا جس کے بعد مبینہ علیحدگی کی خبریں پھیلیں۔ یاد رہے کہ سجل اور احد دو سال قبل رشتہ ازدواج میں منسلک ہوئے تھے۔
