The news is by your side.

Advertisement

احمد علی بٹ نے اپنا وزن کیسے کم کیا؟

معروف اداکار احمد علی بٹ نے اپنے وزن میں حیرت انگیز کمی کرلی، انہوں نے بتایا کہ کس طرح لاک ڈاؤن کے دوران انہوں نے اپنی صحت کا خیال رکھا۔

تفصیلات کے مطابق معروف اداکار احمد علی بٹ نے واسع چوہدری کے پروگرام گھبرانا منع ہے میں شرکت کی اور اپنے وزن کی کمی کے متعلق بتایا۔

احمد علی بٹ نے بتایا کہ کرونا وائرس کے لاک ڈاؤن کے دوران انہوں نے اپنی صحت کا خاص خیال رکھنا شروع کیا، انہوں نے روزے رکھنے کا سلسلہ رمضان کے بعد بھی جاری رکھا۔

انہوں نے بتایا کہ اس پورے عمل میں انہیں 6 سے 7 ماہ کا عرصہ لگا ہے، تاہم جب وہ اس وقفے کے بعد لوگوں کے سامنے آئے تو لوگوں کو جھٹکا لگا۔

احمد کے مطابق وزن کم کرنے کے بعد اب انہیں سنجیدہ کرداروں کی بھی پیشکش شروع ہوچکی ہے۔ انہوں نے بتایا کہ اس دوران وہ اپنا 25 کلو وزن کم کر چکے ہیں۔

خیال رہے کہ احمد علی بٹ اکثر و بیشتر مزاحیہ کرداروں میں جلوہ گر ہوتے رہے ہیں، وہ فلم جوانی پھر نہیں آنی کے دونوں حصوں میں بھی اپنی اداکاری کے جوہر دکھا چکے ہیں۔

Comments

یہ بھی پڑھیں