پاکستان کرکٹ ٹیم کے سابق اوپنر بلے باز احمد شہزاد چیمپئنز کپ کھیلنے سے دستبردار ہوگئے۔
سابق کرکٹر احمد شہزاد نے لاہور میں اولمپین ارشد ندیم کے ہمراہ میڈیا سے بات کرتے ہوئے کہا کہ میں نے چیمپئنز کپ نہ کھیلنے کا فیصلہ کیا ہے۔
سابق اوپننگ بلے باز کا کہنا تھا کہ پاکستان کرکٹ بورڈ (پی سی بی) کے جھوٹے وعدے، پسند ناپسند اور ڈومیسٹک کھلاڑیوں سے ناانصافی کسی صورت قبول نہیں ہے۔
انہوں نے کہا کہ پاکستان کرکٹ بورڈ مینٹورز پر 50 لاکھ روپے خرچ کر رہا ہے جو کچھ نہیں کرتے، بورڈ کرکٹ کو تنزلی کا شکار بنانے والے کھلاڑی منتخب کرتا ہے۔
سابق اوپننگ بلے باز کا مزید کہنا تھا کہ میں پی سی بی کے سسٹم کو سپورٹ نہیں کرسکتا، جہاں میرٹ کی کوئی حیثیت نہیں۔ میں پی سی بی کے سسٹم سے ہی خود کو الگ کرتا ہوں۔
میں چیمپئنز کپ نہیں کھیلوں گا۔ارشد ندیم کی طرح بہت سے نوجوان ہیں جن کو سپورٹ چاہیے۔
دوسرا ٹیسٹ، بنگلایش کا پاکستان کیخلاف ٹاس جیت کر فیلڈنگ کا فیصلہ
انہوں نے کہا کہ ملک میں ٹیلنٹ کی کمی نہیں صرف سہولیات کا قفدان ہے، اس وقت ارشد ندیم پاکستان کا سب سے بڑا اسٹار ہے۔
