قومی کرکٹر احمد شہزاد کا کہنا ہے کہ نوجوان کھلاڑیوں کی طرف سے زور دار تھپڑ رسید کیا گیا ہے۔
سماجی رابطے کی ویب سائٹ ایکس پر قومی کرکٹر احمد شہزاد نے لکھا کہ ’حسن نواز آپ کو کلب میں خوش آمدید کہتے ہیں، شاندار سنچری اسکور کی ہے۔
انہوں نے سوال کیا کہ ’ہاں بھائی ہے ٹیلنٹ پاکستان میں؟ کہاں ہیں وہ سارے جو کہتے ہیں کہ پاکستان میں ٹیلنٹ نہیں سینئرز کو ری پلیس کرنے کا؟ یہ نوجوانوں کی جانب سے زور دار تھپڑ ہے۔
آکلینڈ میں کھیلے گئے تیسرے ٹی 20 میچ میں پاکستان نے نیوزی لینڈ کو 9 وکٹوں سے شکست دی، پاکستان نے کیویز کی جانب سے دیا جانے والا 205 رنز کا ہدف 16ویں اوور میں حاصل کرلیا۔
یہ پڑھیں: میں جہاں سے آیا ہوں وہاں کوئی کرکٹر بننے کا خواب بھی نہیں دیکھتا، حسن نواز
22 سالہ حسن نواز نے آکلینڈ میں کھیلے گئے تیسرے ٹی ٹوئنٹی میچ میں 44 گیندوں پر سنچری بنائی، ان کی اننگز میں 10 چوکے اور 7 چھکے شامل تھے۔
حسن نواز نے 105 رنز کی ناقابلِ شکست اننگز کھیلی اور وہ شاندار بیٹنگ کارکردگی پر پلیئر آف دی میچ قرار پائے۔
واضح رہے کہ پانچ میچوں کی ٹی 20 سیریز میں نیوزی لینڈ کو پاکستان کے خلاف 2-1 کی برتری حاصل ہے۔
