احمد آباد : بھارت میں احمد آباد ائیرپورٹ پر مسافر طیارہ گرنے کی ویڈیو سامنے آگئی ، طیارے میں عملے کے بارہ ارکان سمیت 242 افراد سوار تھے۔
تفصیلات کے مطابق بھارت کے احمد آباد ایئر پورٹ کے قریب مسافرطیارہ گرنے کی ویڈیو منظر عام پر آگئی۔
جس میں دیکھا جاسکتا ہے طیارہ ٹیک آف کرنے کے پانچ منٹ بعد ہی رہائشی علاقے میگھانی نگر پر گرکر تباہ ہوا، طیارہ گرنے کے بعد سیاہ دھوئیں کے بادل میلوں دور سے دیکھے جاسکتے ہیں اور دھوئیں بادل دور تک پھیل گئے۔
طیارے میں عملے کے بارہ ارکان سمیت 242 افراد سوار تھے ، جس میں 11بچے بھی شامل ہیں جبکہ طیارے میں گجرات کے سابق وزیراعلیٰ وجے روپانی بھی موجود تھے۔
بھارتی میڈیا کے مطابق حادثے کا شکار طیارہ احمد آباد سے لندن جا رہا تھا۔
ائیر انڈیا کی پرواز پرواز اے آئی وین سیون ون احمد آباد ائیرپورٹ سے روانگی کے وقت تین سو بائیس کلومیٹر فی گھنٹہ کی رفتار سے محض چھ سو پچیس فٹ اوپر اڑ سکی۔
فلائٹ ریڈار کے مطابق اڑان بھرنےکے ایک منٹ بعد چھے سو پچیس فٹ کی بلندی پر طیارے سے رابطہ منقطع ہو گیا تھا اور طیارہ گرنے کے بعد آگ بھڑک اٹھی۔
