کرکٹ ورلڈ کپ 2023 میں پاکستان اور بھارت کا میچ احمد آباد شہر میں ہونے کا امکان ہے جہاں ایک لاکھ سے زائد تماشائیوں کے بیٹھنے کی گنجائش ہے۔
بھارتی میڈیا کے مطابق ورلڈ کپ میں پاک بھارت میچ کی میزبانی نریندر مودی کرکٹ اسٹیڈیم کے کرنے کا امکان ہے جو کہ تماشائیوں کی گنجائش کے حوالے سے کرکٹ کا سب سے بڑا اسٹیڈیم ہے۔
ورلڈ کپ کی میزبانی، بھارتی بورڈ آئی سی سی کو کتنی رقم دے گا؟َ
بھارتی میڈیا کا کہنا ہے کہ آئی سی سی کرکٹ ورلڈ کپ اکتوبر نومبر میں شیڈول ہے میچز کے وینیوز کا اعلان جلد کیا جائے گا۔
بھارتی میڈیا کے مطابق ناگپور،بنگلور، گوہاٹی، حیدرآباد، کولکتہ، تریوندرم، ممبئی، دہلی، لکھنؤ، راجکوٹ، اندور اور دھرم شالہ وینیوز کو شارٹ لسٹ کیا گیا ہے۔
بھارتی میڈیا نے یہ بھی کہا ہے کہ سیکیورٹی کی وجہ سے پاکستان کے زیادہ تر میچز چنئی اور بنگلورو میں ہونے کا امکان ہے۔