لاہور : سپریم کورٹ بار کے سابق صدر احسن بھون نے نگراں وزیر اعلیٰ کیلئے نام بھیجنے کی ن لیگ کی پیشکش سے معذرت کرلی۔
تفصیلات کے مطابق مسلم لیگ (ن) نے سپریم کورٹ بار کے سابق صدر احسن بھون سے رابطہ کرکے نگراں وزیر اعلیٰ کیلئے نام بھیجنے کی پیشکش کی۔
احسن بھون نے نگراں وزیر اعلیٰ کیلئے نام بھیجنےکی ن لیگ کی پیشکش سے معذرت کرلی۔
ملک احمدخان نے بتایا کہ سابق صدر سپریم کورٹ بار احسن بھون صاحب کے نام پر بھی اتفاق ہوا تھا تاہم احسن بھون نے شکریہ ادا کیا اور وکلا سیاست کی ذمہ داریوں اور تقاضوں کی بنا پر معذرت کی۔
یاد رہے اس سے قبل وزیراعلیٰ پنجاب کی جانب سے نگراں وزیر اعلیٰ کے لئے تین نام بھیجے تھے ، جس میں سے ناصر سعید کھوسہ نے معذرت کرلی تھی۔
خیال رہے وزیر اعظم شہباز شریف کی نگراں وزیر اعلیٰ کے ناموں کے لیے مشاورت جاری ہے۔
حمزہ شہباز کے نمائندے نے بتایا ہے کہ شہباز شریف آج شارٹ لسٹ نام آصف زرداری کے سامنے رکھیں گے اور آصف زرداری سے مشاورت کے بعد شام تک 3نام گورنر کو بھجوا دیں گے۔
