The news is by your side.

Advertisement

انتخابات میں تاخیرکی باتیں آگ سے کھیلنے کے مترادف ہیں، احسن اقبال

پشاور : وزیرداخلہ احسن اقبال نے پرانی مردم شماری پرالیکشن کو بچکانہ مطالبہ قرار دیتے ہوئے کہا کہ انتخابات میں تاخیرکی باتیں آگ سے کھیلنے کے مترادف ہیں، کسی کومایوسی پھیلانےکی اجازت نہیں دیں گے، پالیسی کاتسلسل قائم رہا تو پاکستان ایشیا کا ٹائیگر بن سکتا ہے۔

تفصیلات کے مطابق وزیرداخلہ احسن اقبال کا اپنے خطاب میں کہنا ہے کہ پالیسی کاتسلسل قائم رہے تو پاکستان ایشیا کا ٹائیگر بن سکتا ہے، بدقسمتی سے جمہوری پالیسی کےتسلسل کو قائم نہیں رہنے دیا گیا، ہم گول دائرےمیں گھومتےرہےجس کی کوئی منزل نہ تھی۔

احسن اقبال نے کہا کہ 2013میں پاکستان کی حالت ایک تباہ جہازجیسی تھی، پالیسی کےتحت اس جہازکودوبارہ چلنےکےقابل بنایاہے، آج پھرپاکستان کو ٹیک آف کا موقع دیا گیا ہے، ماضی میں پاکستان دہشت گردی کےذریعےیرغمال تھا۔

وزیرداخلہ کا کہنا تھا کہ دنیا کہتی تھی توانائی کی کمی کی وجہ سے پاکستان میں سول وارہوگی، دنیا اسکور پوچھتی تھی آج دہشت گردی سےکتنےلوگ جاں بحق ہوئے، چیلنج قبول کیا اور دہشت گردی کا تقریباً خاتمہ کردیا گیا، سانحہ اےپی ایس میں ہمارےپھولوں کوکچلاگیا، سانحہ اے پی ایس کے بعد آپریشن ضرب عضب اورپھر ردالفساد شروع کیا۔

انھوں نے کہا کہ  4سال پہلے پاکستان دہشت گردوں کے نرغےمیں تھا، آج پاکستان چڑھائی پرہےاوردہشت گردمحصورہوچکےہیں، دہشت گردی،بھتہ خوری اورٹارگٹ کلنگ میں 80سے 90 فیصد کمی ہوئی، پاکستان میں دہشت گردی کاخاتمہ کردیا، دشمن بھی اعتراف کرتا ہے۔

رہنما مسلم لیگ ن کا کہنا تھا کہ مئی2018تک سسٹم میں 10ہزار میگا واٹ شامل کرلیں گے، 66 سالوں میں ہم صرف16ہزارمیگاواٹ بجلی سسٹم میں شامل کر پائے، حکومت کی حکمت عملی کےتحت توانائی بحران پرقابوپالیاگیا، پاکستان میں توانائی بحران کاجلد خاتمہ کردیا جائے گا۔

احسن اقبال نے کہا کہ جو ملک ترقی کررہا ہوں کیا وہ ستیاناس اور بیڑہ غرق ہے، بدقسمتی سےچندلوگ عوام میں مایوسی پھیلانےکیلئے سرگرم ہیں، چند لوگ صبح سےشام تک لوگوں میں مایوسی پھیلارہے ہوتےہیں، ماضی لوگ کہتے تھے پاکستان کے مستقبل کے بارے میں مایوس ہیں، آج80سے85فیصد لوگ کہتےہیں آئندہ سال اس سے بہترہوگا۔

انکا مزید کہنا تھا کہ قوم کی امید جاگ گئی، اعتماد کے ساتھ اپنے مستقبل کودیکھ رہی ہے، ہم ہرگزاجازت نہیں دیں گےکہ کوئی قوم میں مایوسی پھیلائے، عالمی ادارے کہتے ہیں پاکستان اسی رفتار سے چلتا رہا تو بہت آگے جائیگا، وژن2030تک پاکستان جی ایٹ اسٹیٹس حاصل کرلے گا۔


مزید پڑھیں : عمران خان کی ریلیاں انتخابات موخرکرانےکی کوشش محسوس ہورہی ہیں‘ احسن اقبال


وزیرداخلہ  نے کہا کہ اکھاڑپچھاڑ کی جاتی رہے تو دنیا کی بہترین پالیسی بھی ناکام ہوجاتی ہے، اقتصادی ترقی کےراستےمیں سیاسی بحران پیداکرنےسےمحنت پرپانی پھرجائیگا، پاکستان خطےمیں کسی اورملک سےزیادہ کرپٹ نہیں ہے، خطے کے دیگرممالک میں پاکستان سے زیادہ کرپشن ہے، خطےکےدیگرممالک میں کرپشن زیادہ ہونے کے باوجود ترقی ہورہی ہے، ان ممالک میں ترقی اس لیےہےکہ استحکام سےنہیں کھیلاجاتا۔

مسلم لیگ ن کے رہنما کا کہنا تھا کہ اقتصادی ترقی کے ذریعے ہی کرپشن پر قابو پایا جاسکتا ہے، اقتصادی ترقی سے ادارے مضبوط ہوتے ہیں اورکرپشن روکی جاتی ہے، پاکستان میں کوئی ایسی بیماری نہیں جو دوسرے ممالک سے زیادہ ہو، چندلوگ چیخ چیخ کر دنیا کو بتارہے ہیں، جیسے پاکستان کرپٹ ہے، ایسےلوگ ملک کی بدنامی کرسکتےہیں لیکن سیاسی فائدہ نہیں اٹھاسکتے، ایسے لوگ صرف اپنی سیاست کیلئے ملک کو بدنام کر رہے ہیں۔

انھوں نے کہا کہ آج پاکستان کے چپے چپے میں ترقیاتی منصوبے بن رہےہیں، وفاقی حکومت خیبرپختونخوامیں سڑکوں کاجال بچھارہی ہے، خیبرپختونخوا میں دو افتادہ علاقوں میں یونیورسٹیزبن رہی ہیں، یونیورسٹیز کیلئے فنڈز وفاقی حکومت فراہم کررہی ہے۔

احسن اقبال کا کہنا تھا کہ عمران خان کا کام صرف پگڑیاں اچھالنا ہے ، این آر او پر یقین نہیں رکھتے ہیں ، پی ٹی آئی کےحامی تعلیم یافتہ مگر گالیوں میں سب سے آگےہیں،تحریک انصاف اب جلسہ اوردھرنا پارٹی میں تبدیل ہو چکی ہے، بعض عناصر حکومت اور اداروں میں بد اعتمادی پیداکرناچاہتےہیں

وزیر داخلہ نے مزید کہا کہ پیراڈائزلیکس پر اعلیٰ عدالت ازخودنوٹس لے، 2018کے انتخابات شفاف ہوں گے، جلسوں کے بجائے الیکشن کےشفاف انعقاد پرتجاویزدیں،امید ہے عوام سیاسی استحکام کے تسلسل کو قائم رکھیں گے، بعض حلقے انتخابات میں تاخیرکی بات کررہے  ہیں، انتخابات میں تاخیر کی باتیں آگ سےکھیلنے کے مترادف ہیں، پرانی مردم شماری پرالیکشن کرانابچگانہ مطالبہ ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں