The news is by your side.

Advertisement

احسن اقبال نے ضمانت کے لیے درخواست دائر کر دی

اسلام آباد: سابق وزیر داخلہ و مسلم لیگ (ن) کے مرکزی رہنما احسن اقبال نے ضمانت کے لیے اسلام آباد ہائی کورٹ میں درخواست دائر کر دی۔

تفصیلات کے مطابق مسلم لیگ ن کے رہنما احسن اقبال نے اسلام ہائی کورٹ میں ضمانت کے لیے درخواست دائر کر دی جس میں موقف اختیار کیا گیا کہ احسن اقبال نے کبھی نیب میں پیش ہونے سے انکار نہیں کیا۔

درخواست میں کہا گیا ہے کہ 19 دسمبر کو احسن اقبال شامل تفتیش ہوئے تو نیب نے گرفتار کر لیا، نارووال اسپورٹ سٹی کمپلیکس صوبائی معاملہ تھا، منصوبے کی ہر فورم سے منظوری دی گئی۔

اسلام آباد ہائی کورٹ میں دائر کی گئی درخواست میں موقف اختیار کیا گیا ہے کہ احسن اقبال پر رشوت یا غیر قانونی فائدہ لینے کا کوئی الزام نہیں ہے، ابھی نیب کی جانب سے ریفرنس دائر نہیں کیا گیا ہے۔

نیب نے احسن اقبال کو گرفتار کر لیا

یاد رہے کہ 23 دسمبر کو قومی احتساب بیورو ( نیب) نے سابق وزیر داخلہ و مسلم لیگ (ن) کے مرکزی رہنما احسن اقبال کو گرفتار کیا تھا۔

نیب کی جانب سے جاری اعلامیہ میں کہا گیا تھا کہ سابق وزیر داخلہ احسن اقبال کو گرفتار کیا گیا، ان کی گرفتاری نارووال اسپورٹس کمپلیکس کی تحقیقات کے لیے عمل میں لائی گئی۔

fb-share-icon0
Tweet 20

Comments

comments

یہ بھی پڑھیں