اسلام آباد : وفاقی وزیر داخلہ احسن اقبال کا کہنا ہے کہ دنیا کے ہرملک نے ہمیں پیچھےچھوڑدیا کیونکہ انہوں نے سیاسی راستہ اپنایا لیکن ہمارے یہاں حکومتوں کی ٹانگیں کھینچی جاتی رہیں۔
تفصیلات کے مطابق عالمی یوم امن کے حوالے سے منعقدہ تقریب سے خطاب کرتے ہوئے وزیرداخلہ احسن اقبال نے کہا کہ کرپشن ایک ناسور ہے اور ہمیں اس کا خاتمہ کرنا ہے۔
احسن اقبال کا کہنا تھا کہ پاکستان میں تجربےبند نہ کیےتو ترقی کاخواب حقیقت نہیں ہوگا،ترقی کےلیےضروری ہے امن اور ثمرات ہرشہری تک پہنچنے چاہیں۔
وفاقی وزیرداخلہ احسن اقبال کا کہنا تھا کہ ہماری حکومت سے پہلےعالمی میڈیا معاشی زبوں حالی بیان کررہا تھا،آج وہی میڈیا پاکستانی معیشت کےاستحکام کی خبریں دے رہا ہے۔
عالمی میڈیا پاکستان کی صحیح صورتحال نہیں دکھارہا، شاہد خاقان عباسی
انہوں نے کہا کہ ہمیں امن کا ترقی اورمعیشت کےساتھ رشتہ جوڑنا ہے اگرنئی صلاحیت نہیں اپنائی توریس میں کامیاب نہیں ہوپائیں گے۔
احسن اقبال کا کہنا تھا کہ ترقی ٹی 20 کا میچ نہیں بلکہ ٹیسٹ میچ ہے جو قوم ٹیسٹ میچ کھیلنےکا تجربہ رکھتی ہے وہ کامیاب ہوتی ہے۔
واضح رہے کہ وفاقی وزیرداخلہ احسن اقبال کا کہنا تھا کہ آج ریاست نے دہشت گردوں کا محاصرہ کرلیا ہے، یہی تبدیلی ہے جبکہ کچھ لوگ مذہب کی غلط تشریح کرکے نوجوانوں کو گمراہ کرتے ہیں۔
