The news is by your side.

Advertisement

سی پیک سے متعلق بھارت سازشیں کررہا ہے‘ احسن اقبال

اسلام آباد: وفاقی وزیرداخلہ احسن اقبال کا کہنا ہے کہ سی پیک سے متعلق بھارت کا ردعمل مثبت نہیں ہے، جلد یا دیربھارت کواحساس ہوگا سی پیک خطےکے فائدے کےلیے ہے۔

تفصیلات کے مطابق وزیرداخلہ احسن اقبال نے ورلڈ بینک کی تقریب سے خطاب کرتے ہوئے کہا کہ سی پیک چین اور پاکستان سمیت خطے میں خوشحالی لائے گا، بھارت تنگ نظری پرمبنی ردعمل پرنظرثانی کرے۔

احسن اقبال نے کہا کہ جنوبی ایشیا اورچین سمیت مغربی ایشیا تک سی پیک لے کرجائیں گے، منصوبے سے 3 ارب کی آبادی کو فائدہ ہوگا۔

وزیرداخلہ احسن اقبال نے کہا کہ بھارت سی پیک میں شامل نہیں ہونا چاہتا توسازشیں بند کرے اور تنگ نظری پرمبنی ردعمل پرنظرثانی کرے۔

احسن اقبال نے تقریب کے بعد میڈیا سے گفتگو کرتے ہوئے کہا کہ خطے کا حل تنازعات اورکشیدگی میں نہیں ہے، خطے میں تعاون پیدا کرنے کی ضرورت ہے۔

وزیرداخلہ نے کہا کہ جنوبی ایشامیں تعاون کی کنجی بھارت کے پاس ہے، بھارت مرکزمیں ہے تعاون کے بغیرترقی نہیں کرسکتا۔

انہوں نے کہا کہ پاکستانی نقشےسے متعلق ورلڈ بینک نمائندوں سے احتجاج کیا، نقشے میں شمالی علاقہ جات کونہیں دکھایا گیا تھا جس پرورلڈ بینک نمائندوں نےغلطی دورکرنے کی یقین دہانی کرائی ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں