کراچی: معروف اداکار احسن خان نے اپنے اہل خانہ کے ساتھ عمرے کی سعادت حاصل کرلی، اس موقع پر انہوں نے اپنے عزیز و اقارب کے ساتھ پاکستان کے لیے بھی دعائیں کی۔
تفصیلات کے مطابق احسن خان نے سماجی رابطے کی ویب سائٹ ٹویٹر پر اپنے مداحوں کو عمرہ کرنے کی اطلاع دی۔ انہوں نے لکھا کہ وہ اپنے نئے سال کا آغاز درست راستے سے کرنا چاہتے ہیں۔
Happy new years all I’m off for umrah today 🙂 want to start of 2020 on the right track!!!
— Ahsan Khan (@Ahsankhanuk) January 1, 2020
بعد ازاں انہوں نے ایک تصویر پوسٹ کی جس میں وہ اور ان کی اہلیہ مسجد نبوی ﷺ کے دروازے کے سامنے کھڑے ہیں۔ احسن خان نے لکھا کہ شکریہ میرے رب آپ نے اس ناچیز کو یہ سلام پیش کرنے کا موقع دیا۔
Shukria mere rab mere parwardigar ke aap ne mujh jaise nacheez ko ye sallam pesh karne ka mauqa dia 🙏 #Madina pic.twitter.com/kernLu7h7C
— Ahsan Khan (@Ahsankhanuk) January 3, 2020
ایک اور تصویر کے ساتھ، جس کے پس منظر میں خانہ کعبہ موجود ہے، انہوں نے لکھا کہ انہوں نے اپنے ملک، اپنے مداحوں اور دوستوں و خاندان کے لیے بے شمار دعائیں کی۔
Praying for my country and all my fans friends and family!! Feeling so so blessed here #Mecca pic.twitter.com/w0RqVoGPc1
— Ahsan Khan (@Ahsankhanuk) January 4, 2020
خیال رہے کہ احسن خان کے علاوہ ہمایوں سعید اور مہوش حیات نے بھی عمرے کی بابرکت سعادت کے ساتھ اپنے نئے سال کا آغاز کیا تھا۔
