The news is by your side.

Advertisement

’تاریخ یاد کرلیں‘ ولیمے کا کارڈ شیئر کردیا

شوبز انڈسٹری کی معروف اداکارہ منال خان کے منگیتر احسن محسن اکرام نے شادی کے کارڈ کے بعد ولیمے کا کارڈ بھی سوشل میڈیا پر شیئر کردیا۔

شوبز انڈسٹری کی مقبول ترین جوڑی احسن محسن اکرام اور منال خان کی شادی آئندہ ہفتے 10 ستمبر کو طے پائی ہے۔

گزشتہ دنوں منال اور حسن کی جانب سے انسٹاگرام پر شادی کا کارڈ شیئر کیا گیا تھا جبکہ اب سے کچھ دیر قبل ہی احسن محسن اکرام نے ولیمے کا کارڈ شیئر کیا ہے جس میں تاریخ 12 ستمبر درج ہے۔

ولیمے کا کارڈ شیئر کرتے ہوئے احسن محسن نے لکھا کہ ’تاریخ یاد کرلیں۔‘

واضح رہے کہ منال خان اور احسن محسن اکرام کی رواں سال کی 11 جون کو قریبی دوستوں اور رشتے داروں کی موجودگی میں منگنی ہوئی تھی۔

یاد رہے کہ منال کی جڑواں بہن ایمن خان اداکار منیب بٹ سے رشتہ ازدواج میں منسلک ہوئی ان کی ایک ننھی بیٹی امل منیب ہے۔

Comments

یہ بھی پڑھیں