کراچی : گورنر سندھ کامران ٹیسوری کا کہنا ہے کہ آئی ٹی کورس کرنیوالوں کو جنریٹیو اے آئی انجینئرنگ کے سرٹیفکیٹ دیں گے۔
تفصیلات کے مطابق کراچی کے بعد حیدرآباد میں آئی ٹی کورسز کے داخلے جاری ہے ، گورنر سندھ کامران ٹیسوری نے کہا ہے کہ حیدرآباد کے شہری انفارمیشن ٹیکنالوجی کےجدیدکورسزمفت کریں، حیدرآباد کے نوجوان کلاوڈ اپلائیڈ جنریٹیوآرٹیفیشل انٹیلی جنس انجینئر بنیں۔
کامران ٹیسوری کا کہنا تھا کہ نوجوانوں کو جدید تعلیم سےلیس کرناچاہتاہوں، فری آئی ٹی کورسزمیں داخلہ لیں، اپنا اور ملک کا مستقبل روشن کریں، کورس کرنیوالوں کو جنریٹیو اے آئی انجینئرنگ کے سرٹیفکیٹ دیں گے۔
گورنر سندھ نے کہا کہ داخلہ ٹیسٹ میں کامیاب ہرامیدوارکومفت آئی ٹی کورس کرائیں گے، جنریٹیواے آئی انجینئر 15 سے 20 لاکھ روپے ماہانہ کماسکیں گے۔
انھوں نے بتایا کہ کراچی میں کورس کرنیوالے تیسرے ماہ سے 200 سے 500 ڈالر کما رہے ہیں، کوشش ہےآرٹیفیشل انٹیلی جنس کے دور میں قوم کسی سےپیچھےنہ رہ جائے، قوم کی توجہ انفارمشین ٹیکنالوجی کی جانب مبذول کرانےکی کوشش جاری رہے گی، صوبےکو آئی ٹی حب بنا کر دنیا میں مثال قائم کریں گے۔
