مصنوعی ذہانت نے آج کے دور میں ہر ایک کی زندگی آسان کی ہوئی ہے لیکن وہیں کطھ لوگ اس کا غلط استعمال کررہے ہیں جس نے کئی لوگوں کی زندگی کو خطرے میں ڈال دیا ہے۔
مصنوعی ذہانت کے استعمال سے پڑوسی ملک بھارت سے کبھی فلمی ستاروں کی ڈیپ فیک ویڈیوز گردش کرتی دکھائی دے رہی ہیں تو کبھی کوئی شہری اے آئی وائس اسکینڈل میں لاکھوں کا نقصان اٹھا رہے ہیں اگر اس ٹیکنالوجی کا بروقت صحیح استعمال نہیں کرایا گیا تو آنے والے وقت میں کئی لوگ اس سے متاثر ہوسکتے ہیں۔
بھارتی میڈیا رپورٹ کے مطابق بھارت ڈیپ فیک ویڈیوز کے بعد اب اے آئی وائس اسکینڈل سامنے آیا ہے جس کا شکار ایک خاتون لاکھوں روپوں سے محروم ہوگئی۔
ملزم نے خاتون کو ہوبہو اسکے بھتیجے کی آواز کا جھانسا دے کر لاکھوں روپے بٹورلیے گئے، انڈیا ٹوڈے کی رپورٹ کے مطابق 59 سالہ خاتون کو کینیڈا میں مقیم اپنے بھتیجے کی جعلی کال موصول ہوتی ہے جو اپنی مالی پریشانی کی روداد سناتا ہے اور مالی مدد کرنے کی درخواست کرتا ہے۔
متاثرہ خاتون نے بتایا کہ موصول ہونے والی کال کی آواز بالکل میرے بھتیجے کی طرح تھی اور اسکا بالکل وہی پنجابی لہجہ تھا جو ہم گھر میں بولتے ہیں، اس نے مجھے رات گئے فون کیا اور کہا کہ اس کا حادثہ ہو گیا ہے اور پولیس اسے جیل لے کر جارہی ہے، بعد ازاں اس نے مجھ سے رقم منتقل کرنے اور اس بات کو خفیہ رکھنے کی درخواست کی۔
خاتون کا کہنا تھا کہ بدقسمتی سے، جب مجھے کال کی دھوکہ دہی کا احساس ہوا میں اس سے پہلے ہی متعین اکاؤنٹ میں 1.4 لاکھ روپے کی رقم منتقل کرچکی تھی۔
اگرچہ سائبر کرائم پولیس اسٹیشنوں میں مصنوعی ذہانت سے متعلقہ کیس رپورٹ نہیں کی جا سکتی ہے شہریوں کو چاہیے کہ اس طرح کے ٹھگ سے بچنے کے لیے پہلے تصدیق ضرور کریں۔
