تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

شیخوپورہ میں بچے سمیت 8 افراد میں ایڈز کی تشخیص

شیخوپورہ: صوبہ پنجاب کے شہر شیخو پورہ میں 3 ماہ کے بچے سمیت 8 افراد میں ایڈز کی تشخیص ہوئی ہے، ڈاکٹرز کافی عرصے تک متاثرہ مریضوں کا ہیپاٹائٹس کا علاج کرتے رہے۔

تفصیلات کے مطابق شیخو پورہ کی تحصیل صفدر آباد میں بچے سمیت 8 افراد ایڈز میں مبتلا ہوگئے۔ مریضوں کا تعلق گاؤں ڈھاباں کلاں، ہری پور اور خانقاہ ڈوگراں سے ہے۔

ذرائع کے مطابق ڈاکٹرز کافی عرصے تک ایڈز کے مریضوں کا ہیپاٹائٹس کا علاج کرتے رہے، ایڈز کی تشخیص ہونے پر مریضوں کو فیصل آباد اسپتال ریفر کر دیا گیا۔

مذکورہ مریضوں میں میاں، بیوی اور 3 ماہ کا بچہ بھی شامل ہے۔ مریضوں میں 5 مرد اور 2 خواتین شامل ہیں۔ تحصیل ہیڈ کوارٹر اسپتال کے ایم ایس کے مطابق تمام مریضوں کی رپورٹ پنجاب ایڈز کنٹرول کو ارسال کردی گئی ہے۔

ایک رپورٹ کے مطابق پاکستان میں ہر سال 20 ہزار سے زائد افراد کو ایچ آئی وی ایڈز لاحق ہو رہا ہے۔ 60 فیصد سے زائد ایڈز کے مریض پنجاب میں ہیں۔

ماہرین طب کا کہنا ہے کہ پاکستان میں ایک لاکھ 50 ہزار افراد ایچ آئی وی ایڈز کا شکار ہیں جن میں سے صرف 25 ہزار افراد علاج کے لیے رجسٹر ہیں۔

Comments

- Advertisement -