اسٹینفورڈ: پاکستانی اسٹار اعصام الحق اور ان کے جوڑی دار راجیو رام نے ہال آف فیم ٹینس ٹورنامنٹ کے فائنل میں رسائی حاصل کرلی ہے۔
تفصیلات کے مطابق پاکستان کے ٹینس اسٹار اعصام الحق اور ان کے جوڑی دار راجیو رام نیوپورٹ میں ہونے والے ہال آف فیم ٹینس چیمئن شپ کے فائنل تک پہنچنے میں کامیاب ہو گئے ہیں
اس جوڑی نے سیمی فائنل میں آسٹریلیا کے سام گروتھ اور بھارتی حریف لینڈرپیس کو ہرا کر فائنل تک رسائی حاصل کی، میچ کا فیصلہ 3 سیٹ کے بھرپور مقابلے میں ہوا، اعصام اور ان کے امریکی پارٹنر راجیو رام کو ابتدائی سیٹ میں 6-4 سے شکست کا سامنا رہا تاہم ٹاپ سیڈ جوڑی نے بہترین کھیل پیش کر مدمقابل کو فائنل کی ریس سے باہر کردیا۔
Comeback COMPLETE! @aisamhqureshi/@RajeevRam punch their ticket to the final with a 4-6, 7-6, 11-9 win over Groth/Paes. #DellTechOpen pic.twitter.com/xC3Lo2Bk3r
— Tennis Hall of Fame (@TennisHalloFame) July 21, 2017
پاکستانی ٹینس اسٹار اعصام الحق اور ان کے امریکی پارٹنر راجیو رام چیمپئن ٹرافی سے بس ایک میچ کی دوری پرہیں جس کے لیے ان کا سامنا کل آسٹریلوی جوڑی میٹ ریڈ اور جون پیٹرک اسمتھ سے ہوگا۔
