شوبز انڈسٹری کی معروف اداکارہ ایمن خان نے وزن کم کرنے کا آسان طریقہ بتا دیا۔
اے آر وائی ڈیجیٹل کے پروگرام ’شان سحور‘ میں شوبز انڈسٹری کی معروف اداکارہ ایمن اور منال خان نے شرکت کی اور میزبان کی جانب سے پوچھے گئے مختلف سوالات کے جوابات دیے۔
ندا یاسر نے پوچھا کہ وزن بڑھنے پر ٹرولرز تنگ کرتے تھے اس وقت شوہر نے کیسے سپورٹ کیا؟
ایمن خان نے کہا کہ شوہر کہتے تھے کیوں سوچ رہے ہو اس طرح کے کمنٹ نہیں پڑھو، سی سیکشن کے تین ماہ بعد جب ٹرینر کو میسج کیا تو وہ کہنے لگا کہ تم لوگ سب کو چھوڑو اور اپنا وقت انجوائے کرو۔
منال خان نے کہا کہ اگر آپ بیٹھے بیٹھے بھی بیس منٹ ورک آؤٹ کرسکتے ہیں تو ضرور کریں۔
اداکارہ نے کہا کہ ورک آؤٹ اور ڈائٹ کو لائف اسٹائل بنالیتے ہیں تو کوئی مسئلہ نہیں ہوتا، گرم پانی میں شہد ڈال کر پی لیں یہ کافی پینے سے بہتر ہے۔
ایمن خان نے کہا کہ اس کے علاوہ گرمی پانی اور قہوہ بھی وزن کم کرنے کے لیے مفید ہے۔ زندگی سے میٹھا اور پیزا، برگر نکال دیں۔
انہوں نے کہا کہ جنک فوڈ سے اب تو مجھے خوف آگیا ہے، میں کہتی ہوں کہ اس کی جگہ کوئی اور مزیدار چیز کھالوں برگر نہ کھاؤں۔
