مسافروں کے لیے اچھی خبر ہے کہ ایئر عربیہ نے میگا سیل کا اعلان کرتے ہوئے ٹکٹوں کی قیمتیں کم کر دیں۔
خلیجی میڈیا کے مطابق شارجہ کی کیریئر ایئر عربیہ نے پیر کے روز یکطرفہ کرایوں کا اعلان کیا جو 149 درہم تک کم ہے۔
قیمتیں اس وقت لاگو ہوں گی جب مسافر 30 جون سے 6 جولائی 2025 کے درمیان بکنگ کروائیں گے اور 14 جولائی سے 30 ستمبر 2025 کے درمیان سفر کریں گے۔
شارجہ سے بحرین اور مسقط جانے والے مسافروں کے لیے یک طرفہ کرایہ 149 درہم سے شروع ہوتا ہے۔
دمام، ریاض، کویت اور صلالہ کے کرایے 199 درہم (ایک طرفہ) سے شروع ہوتے ہیں جب کہ ابہا، تبوک اور ینبو کے لیے پرواز کرنے والے صرف 298 درہم میں اپنا یک طرفہ ٹکٹ حاصل کر سکتے ہیں۔
دوحا کا ایک دن کا کرایہ 399 درہم سے شروع ہوتا ہے۔
دریں اثنا، اگر آپ جدہ اور مدینہ منورہ کے لیے پرواز کر رہے ہیں تو آپ 449 درہم کا یک طرفہ کرایہ ادا کر رہے ہوں گے۔ طائف کے ٹکٹ کی قیمت 574 درہم ہوگی۔
ایئر لائن نے بھارت، بنگلہ دیش اور نیپال کے سفر کے لیے رعایتی پیشکش کی ہے۔
ابوظہبی سے چنئی تک کی پروازوں کی قیمت 275 درہم ہوگی جبکہ شارجہ-احمد آباد ٹکٹ کی قیمت 299 درہم ہے۔
