پاک فضائیہ کے سربراہ مجاہد انور خان کی سعودی نائب وزیردفاع سے ملاقات -
The news is by your side.

Advertisement

پاک فضائیہ کے سربراہ مجاہد انور خان کی سعودی نائب وزیردفاع سے ملاقات

ریاض : پاک فضائیہ کے سربراہ ائیر چیف مارشل مجاہد انور خان نے سعودی عرب کے سرکاری دورے کے دوران آج وزارت دفاع کا دورہ کیا۔

اس موقع پر ائیر چیف نے سعودی عرب کے نائب وزیرِ دفاع محمد بن عبداللہ العیش سے ملاقات کی۔ ائیر چیف نے پاکستانی عوام اور حکومت کی جانب سے خیر سگالی کا پیغام دیتے ہوئے سعودی قیادت کا پاکستان اور اُس کی دفاعی افواج کی اعانت پر شکریہ ادا کیا۔

دونوں معزز شخصیات نے دفاعی اور سیکورٹی تعاون، علاقائی استحکام اور دونوں ممالک کے درمیان بالعموم اور دونوں فضائی افواج کے درمیان بالخصوص تعلقات کو مزید فروغ دینے کے طریقہ کار پر گفتگو کی۔

مزید پڑھیں: پاک فضائیہ کے سربراہ کی رائل سعودی فضائیہ کے کمانڈر سے ملاقات

قبل ازیں پاک فضائیہ کے سربراہ نے جنرل (اسٹاف )فیاد بن حامد بن رغاد الروالی چیف آف جنرل اسٹاف، سعودی عرب آرمڈ فورسز کے دفتر میں ان سے بھی ملاقات کی۔

علاوہ ازیں گزشتہ روز پاک فضائیہ کے سربراہ ایئر چیف مارشل مجاہد انور خان نے رائل سعودی فضائیہ کے ہیڈ کوارٹر کا بھی دورہ کیا تھا جہاں انہوں نے رائل سعودی فضائیہ کے کمانڈر سے ملاقات کی۔

ملاقات میں کمانڈر رائل سعودی فضائیہ نے دونوں ممالک کے باہمی تعاون پر اظہارِ اطمینان کیا اور دونوں معزز شخصیات نے باہمی تعاون کو مزید فروغ دینے کے عزم کا بھی اعادہ کیا۔

Comments

comments

یہ بھی پڑھیں