کراچی : اندرون ملک جانے والی نجی ایئرلائنوں کا فلائٹ شیڈول بری طرح متاثر ہوا ہے، جس کے باعث شیڈول میں تبدیلی کرکے جاری کیا گیا ہے۔
کراچی سے لاہور جانے والی نجی ایئر لائن ایئر بلو کی پرواز پی اے 402کئی گھنٹے تاخیر کا شکار ہے، پرواز کی روانگی میں تاخیر پر ایئرپورٹ پر مسافروں نے احتجاج کیا۔
اس حوالے سے ایئرپورٹ ذرائع کا کہنا ہے کہ مذکورہ پرواز کو صبح8بجے روانہ ہونا تھا، طیارہ نہ ہونے کی وجہ سے پرواز دوپہر12بج کر45نٹ پر روانگی متوقع ہے۔
اس کے علاوہ کراچی سے لاہور جانے والی نجی ایئرلائن سرین ایئر تاخیر کا شکار ہوگئی، پرواز ای آر522ساڑھے10بجے روانہ ہونا تھا۔
طیارہ نہ ہونے کی وجہ سے پرواز ایک بجے کی روانگی متوقع ہے، کراچی سے پشاور جانے والی نجی ایئر لائن ایئر بلو کی پروازپی اے602 کے شیڈول میں تبدیلی کی گئی ہے۔
ذرائع کے مطابق پرواز کو دوپہر12بجے روانہ ہونا تھا، طیارہ نہ ہونے کی وجہ سے پرواز3بجے روانہ ہوگی۔
