پہلگام فالس فلیگ آپریشن کی ناکامی سے بھارتی فضائیہ بھی بوکھلاہٹ کا شکار ہو گئی۔
جنگی جنون میں مبتلا بھارتی فضائیہ کی بھیانک غلطی سامنے آگئی۔ جنگی طیارے نے اپنے ہی علاقے میں مواد گرا دیا۔
واقعہ بھارتی ریاست مدھیہ پردیش کے علاقے شیوپوری میں پیش آیا جہاں جنگی جہاز نے ’ٹینک‘ آبادی پر گرا دیا جس کے نتیجے میں سے آبادی اور املاک کو شدید نقصان پہنچا جب کہ متعدد مکانات تباہ ہو گئے۔
دفاعی ماہرین کا کہنا ہے کہ واقعہ بھارتی فضائیہ کی غیرذمہ داری اور بوکھلاہٹ کو ظاہر کرتا ہے۔
ایئر فورس نے ایک بیان میں ڈراپ ٹینک کے "نادانستہ” گرنے سے املاک کو ہونے والے نقصان پر افسوس کا اظہار کیا۔ فضائیہ نے وجہ معلوم کرنے کے لیے انکوائری کا حکم دیا ہے اور یقین دہانی کرائی ہے کہ املاک کو پہنچنے والے نقصان کا معاوضہ مقررہ طریقہ کار کے ذریعے فراہم کیا جائے گا۔
انڈین میڈیا کے مطابق گوالیار سے تقریباً 135 کلومیٹر دور شیو پوری میں "غیر دھماکہ خیز فضائی اسٹور” گھر کی چھت پر گرا۔ عینی شاہدین نے اس سے قبل بتایا تھا کہ ایک نامعلوم بھاری چیز صبح 11 بجے کے قریب استاد منوج ساگر کے مکان کی چھت پر گری۔ حکام نے بتایا کہ گھر کے دو کمروں کو مکمل طور پر نقصان پہنچا اور ملبہ قریب کھڑی کار پر گرا۔
