بھارتی شہر احمدآباد میں پیش آنے والے اندوہناک طیارہ حادثے کے بعد ایئر انڈیا نے منی پور میں اپنی سروسز ختم کرنے کا اعلان کردیا۔
ٹاٹا گروپ نے طیارہ حادثے میں 241 افراد کی ہلاکت کے بعد اہم فیصلہ کرتے ہوئے ریاست منی پور کے دارلحکومت امپھال میں اپنی ایئرلائن ایئرانڈیا کی فل سروس کو ختم کرنے کا اعلان کیا ہے، ایئر انڈیا نے 15 جون 2025 سے منی پور کے بین الاقوامی امپھال ایئرپورٹ پر اپنا آپریشن ختم کر دیا ہے۔
سرکاری خبر رساں ایجنسی پی ٹی آئی نے بتایا کہ پیر 16 جون 2025 کو ایئرپورٹ اتھارٹی آف انڈیا (اے اے آئی) کے حکام نے اس حوالے سے مطلع کیا ہے۔
ایئر انڈیا کے مالک کا ہلاک افراد کے لواحقین کیلئے 1،1 کروڑ روپے امداد کا اعلان
رپورٹس کے مطابق کمپنی کم لاگت والی ایئرلائن ایئر انڈیا ایکسپریس کے ذریعے بھارتی کی شمال مشرقی ریاست سے آنے والے روٹس پر سروس جاری رکھے گا۔
کمپنی کا یہ اقدام مبینہ طور پر ایک دیرینہ اور پہلے سے طے شدہ فیصلہ تھا، ہوائی اڈے کے ایک اہلکار کا کہنا ہے کہ ‘یہ ایئر لائن کے ایک دیرینہ، پہلے سے طے شدہ اسٹریٹجک فیصلے کا حصہ ہے، اس کا کسی بھی حالیہ واقعے سے کوئی تعلق نہیں۔
ایک اور اہلکار نے بتایا کہ ٹاٹا گروپ کی جانب سے کمپنی کو تبدیل کرنے کی کوششوں کے بعد کمپنی ’اسٹریٹجک ریلائنمنٹ‘ کے تحت اس طرح کے اقدامات کررہی ہے۔
’بھارتی خاتون نجومی نے ایک ہفتہ قبل طیارہ حادثے کی پیشگوئی کردی تھی‘
