نئی دہلی : بھارتی حکام کی طیارہ حادثےمیں 241 افراد کی اموات کی تصدیق کردی جبکہ چالیس لاشیں اسپتال پہنچادی گئیں۔
تفصیلات کے مطابق بھارت کے شہر احمد آباد کے ایئرپورٹ کے قریب مسافرطیارہ گرکرتباہ ہوگیا۔
ایئرانڈیا کی پرواز میں عملے کے بارہ ارکان سمیت دو سو بیالیس افراد سوار تھے، جس میں گیارہ بچے بھی شامل تھے جبکہ طیارے میں گجرات کے سابق وزیراعلیٰ وجے روپانی بھی موجود تھے۔
بھارتی میڈیا نے بتایا کہ طیارے میں 169 بھارتی، 52 برطانوی، سات پرتگالی اور ایک کینیڈین شہری بھی تھا۔
بھارتی حکام کی طیارہ حادثےمیں 241افراد کی اموات کی تصدیق کردی ، جس میں سے چالیس لاشیں اسپتال لائی گئی ہیں۔
مزید پڑھیں : بھارت میں مسافر طیارہ گرنے کی ویڈیو سامنے آگئی
ایئرانڈیا کا بوئنگ سیون ایٹ سیون ٹیک آف کے پانچ منٹ بعد رہائشی علاقے میگھانی نگر میں قائم بوائز ہاسٹل پر گرکر تباہ ہوا تھا، جس کے بعد عمارتوں میں آگ بھڑک اٹھی، جس کے باعث ہلاکتوں میں اضافے کا خدشہ ہے۔
مسافر طیارہ احمد آباد سے لندن جارہا تھا، فلائٹ ریڈار کے مطابق اڑان بھرنےکے ایک منٹ بعد چھے سو پچیس فٹ کی بلندی پر طیارے سے رابطہ منقطع ہو گیا تھا۔
علاقے کو پولیس نے گھیرے میں لے لیا ہے، فائر بریگیڈ آگ بجھانے میں مصروف ہیں جبکہ حادثے کے بعد احمد آباد ایئرپورٹ کو بند کردیا گیا ہےاور جبکہ وزیر داخلہ امت شاہ احمد آباد روانہ ہوگئے ہیں۔
بھارتی وزیراعظم نے وزیرداخلہ اور سول ایوی ایشن حکام سے رپورٹ طلب کرلی ہے۔
