The news is by your side.

Advertisement

پی آئی اے: بیس سال پرانے طیاروں کو دوبارہ استعمال میں لانیکا فیصلہ

کراچی : پی آئی اے نے دو ریٹائر ایئر بس 310 طیاروں کے دوبارہ استعمال کا فیصلہ کیا ہے، بیس سال سے زائد استعمال کے بعد یہ طیارے دسمبر 2016 میں ریٹائر کر دیئے گئے تھے۔

تفصیلات کے مطابق باکمال ایئر لائن کی لاجواب انتظامیہ کا ایک اور کارنامہ سر انجام دے دیا، پی آئی اے انتظامیہ نے بیس سال سے استعمال ہونے کے بعد ریٹائر کئے جانے والے ایئر بس 310 طیاروں کو دوبارہ استعمال میں لانے کی تیاری کرلی ہے، ذرائع کے مطابق طیاروں کے استعمال کی اجازت کے لئے قائم مقام سی ای او کا لکھا گیا ہے۔

مذکورہ خط کی کاپی اے آر وائی نیوز کو موصول ہوگئی، یہ خط طیاروں کے استعمال کے لئے سہولیات کی فراہمی میں مدد کے لئے سیکرٹری ایوی ایشن ڈویژن کو لکھا گیا ہے۔

ذرائع کے مطابق خط میں کہا گیا ہے کہ حج 2017 میں استعمال کے لئے لیز پر درکار طیارے شیڈول کے مطابق فلیٹ میں شامل نہیں ہو سکیں گے، طیاروں کے استعمال کے ضمن میں وزارت اورسول ایوی ایشن اتھارٹی سے ایئر لائن کو درج ذیل مدد درکار ہے۔

ایوی ایشن پالیسی میں 20 سالہ پرانے طیاروں کے استعمال پر پابندی سے ایک باراستشنی دیا جائے، پرانے طیاروں کے استعمال پرسعودی حکومت کی پابندی سے استشنی کی اجازت بھی دلائی جائے، سول ایوی ایشن اتھارٹی کی جانب سے طیاروں کے لئے دسمبر 2016 تک کی اجازت دی گئی تھی۔

قائم مقام سی ای او نئیر حیات کا کہنا ہے کہ طیاروں کے استعمال کی اجازت کی مدت میں میں مزید چھ ماہ کی توسیع دی جائے، اس کیلئے سول ایوی ایشن طیاروں کے ائروردی ہونے پر مبنی سرٹیفکیٹ بھی جاری کرے۔

ذرائع کقا کہنا ہے کہ لیز پرطیاروں کی فلیٹ میں مبینہ عدم شمولیت کے باعث پرانے طیارے قابل استعمال بنانے کا فیصلہ کیا گیا۔

دوسری جانب ذرائع ایوی ایشن ڈویژن نے بتایا ہے کہ طیاروں کے دوبارہ استعمال کے لئے ائیر لائن کی جانب سے درخواست ابھی تک موصول نہیں ہوئی ہے۔

Print Friendly, PDF & Email

Comments

comments

یہ بھی پڑھیں