The news is by your side.

Advertisement

فضائی مسافروں کیلئے مشکلات : ایئرلائنز کمپنیوں نے بڑا فیصلہ کرلیا

کراچی : پیٹرولیم مصنوعات کی قیمتوں میں ہوشربا اضافے اور ڈالر کی اونچی اڑان کے اثرات آنا شروع ہوگئے، جس کے نتیجے میں ایئرلائنز کے کرایوں میں اچانک اضافہ کردیا گیا۔

ہوائی سفر کرنے والے مسافروں کی مشکلات مزید بڑھ گئیں، اس حوالے سے ذرائع کا کہنا ہے کہ ملکی وغیرملکی ایئرلائنوں نے بیرون ملک سفر کرنے والے مسافروں کے کرایوں میں اچانک اضافہ کردیا۔

ذرائع کا کہنا ہے کہ برطانیہ، یورپ، ترکی سمیت دیگر ممالک جانے والی پروازوں کے کرایوں میں 30 سے 40فیصد اضافہ کیا گیا ہے۔

ذرائع کے مطابق کراچی سے برطانیہ اور جرمنی جانے والی پروازوں کے دو طرفہ کرایہ 3لاکھ سے زائد وصول کیا جارہا ہے۔

No description available.

اس کے علاوہ اندرون ملک سفر کرنے والے پروازوں کے کرایوں میں بھی اچانک اضافہ کیا گیا ہے، کراچی سے لاہور اسلام آباد جانے والی پروازوں کا کرایہ 28سے30ہزار روپے وصول کیا جارہا ہے۔

ذرائع کے مطابق قومی ائیرلائن کا لاہور سے ٹورنٹو کرایہ 4لاکھ 58ہزار 716 روپے تک پہنچ گیا۔ لاہور سے ٹورنٹو ایگزیکٹیو اکانومی کلاس کا کرایہ 6لاکھ 67ہزار روپے سے تجاوز کرگیا۔

پی آئی اے لاہور سے شارجہ دو طرفہ اکانومی کلاس کا کرایہ 1لاکھ 13ہزار روپے 927 کا ہوگیا، لاہور سے شارجہ ایگزیکٹیو اکانومی کا کرایہ 1لاکھ 35ہزار سےتجاوز جبکہ پی آئی اے کا لاہور سے دمام اکانومی کلاس کرایہ 1لاکھ 35ہزار 222 روپے تک پہنچ گیا۔

لاہور سے دبئی اکانومی کلاس کا دو طرفہ کرایہ 1لاکھ 9ہزار روپے کا ہوگیا۔پی آئی اے کا لاہور سے کراچی دو طرفہ کرایہ 64ہزار 150روپے تک پہنچ گیا۔

لاہور سے کراچی ایگزیکٹیو اکانومی کلاس کرایہ 85ہزار930روپے کا ہو گیا۔ پی آئی اے کا کراچی سے اسلام آباد اکانومی کلاس کا کرایہ 46ہزار 6سو روپے ہو گیا۔

ذرائع کے مطابق کراچی سے اسلام آباد ایگزیکٹو اکانومی کلاس کا کرایہ 76ہزار روپے سے تجاوز کرگیا ہے۔

Comments

یہ بھی پڑھیں