ملاوی کے نائب صدر کا طیارہ گزشتہ روز اڑان بھرنے کے بعد لاپتہ ہوگیا تھا، جسے تلاش کرنے کے لئے کوششیں جاری تھیں۔ تاہم اب ڈیفنس فورس کی جانب سے اہم بیان سامنے آگیا ہے۔
بین الاقوامی خبر رساں ادارے کی رپورٹ کے مطابق افریقی ملک کے ایک اعلیٰ فوجی عہدیدار کا کہنا ہے کہ ملاوی کے نائب صدر کا لاپتہ طیارہ ممکنہ طور پر جنگل میں گر کر تباہ ہوگیا ہے۔
ملاوی ڈیفنس فورس کے کمانڈرپاؤل ویلنٹینو پھیری کا کہنا تھا کہ نائب صدر ساؤلوس کلاؤس کا طیارہ ممکنہ طور پر چکنگوا کے جنگل میں گر کر تباہ ہوا، مگر تاحال طیارہ مل نہیں سکا ہے۔
ملاوی ڈیفنس فورس کے کمانڈر کا کہنا تھا کہ گھنا جنگل اور دھند ریسکیو آپریشن میں رکاوٹ کا سبب رہے ہیں۔
واضح رہے کہ گزشتہ روز افریقی ملک ملاوی کے نائب صدر کو لے جانے والا طیارہ لاپتہ ہوگیا تھا۔
صدر کے دفتر نے اس حوالے سے بیان جاری کیا تھا جس میں کہا گیا تھا کہ ملاوی کے نائب صدر اور نو دیگر افراد کو لے جانے والا ایک فوجی طیارہ لاپتہ ہو گیا ہے جس کی تلاش جاری ہے۔
51 سالہ نائب صدر ساؤلوس چلیما کو لے جانے والا طیارہ پیر کو دارالحکومت لِلونگوے سے روانہ ہوا لیکن تقریباً 45 منٹ بعد شمال میں تقریباً 370 کلومیٹر (230 میل) دور مزوزو انٹرنیشنل ایئرپورٹ پر اپنی طے شدہ لینڈنگ میں ناکام رہا۔
جنگ بندی قرارداد کے بعد بھی اسرائیلی بمباری جاری، مزید 8 فلسطینی شہید
ملاوی کے صدر لازارس چکویرا کے دفتر کے بیان میں کہا گیا تھا کہ ایوی ایشن حکام کا طیارے سے رابطہ اس وقت منقطع ہو گیا جب وہ ”ریڈار سے دور ہو گیا“۔
