کراچی: ایف آئی اے نے ایئرپورٹس پر مسافروں کے لیے جنرل، گیٹ چیکنگ کے خاتمے کے احکامات جاری کر دیے۔
تفصیلات کے مطابق ایف آئی اے امیگریشن ونگ نے ملک بھر کے ایئرپورٹس پر مسافروں کو بہترین سہولیات فراہم کرنے کے حوالے سے جنرل چیکنگ / گیٹ چیکنگ کے خاتمے کے احکامات جاری کر دیے۔
ان احکامات کا بنیادی مقصد قانونی مسافروں کو بہترین سروس مہیا کرنا ہے تاکہ مسافر لمبی قطاروں کی پریشانی سے بچ سکیں، تاہم اس اقدام سے ایف ائی اے کی انسانی اسمگلنگ اور ٹریفکنگ کے خلاف کاوشوں پر کوئی اثر نہیں پڑے گا۔
ترجمان ایف آئی اے کے مطابق سیکنڈ لائن کنٹرول کسی بھی مشکوک یا کاؤنٹر آفیشل کے ریفر کرنے پر حرکت میں آئے گا، شفٹ انچارج / جنرل چیکر بہ وقت ضرورت کسی بھی مشکوک مسافر کی چیکنگ کر سکتے ہیں۔
