نیویارک: امریکا میں ایئرپورٹ عملہ اس وقت شدید حیران ہو گیا جب انھوں ںے اسکیننگ مشین کے ذریعے ایک سوٹ کیس میں عجیب سی چیز پھنسی دیکھ لی۔
امریکی میڈیا کے مطابق 16 نومبر کو نیویارک میں ایئرپورٹ پر اورلینڈو جانے والے ایک مسافر کے بیگ کو جب چیک کیا گیا تو عملہ یہ دیکھ کر حیران رہ گیا کہ اس میں بلی کے سائز جتنی کوئی چیز پھنسی ہوئی ہے۔
جب عملے کے ارکان نے سوٹ کیس کھلوایا تو اس میں واقعی ایک بلی ٹھونس کر رکھی گئی تھی، اور وہ کئی گھنٹوں سے بیگ کے اندر اسی حالت میں موجود تھی، لیکن خوش قسمتی سے اسے کوئی نقصان نہیں پہنچا تھا۔
عملے کا کہنا تھا کہ اگر بلی اسی حالت میں پرواز کے دوران ہولڈ میں رہتی تو مر بھی سکتی تھی۔
ایئرپورٹ کے ترجمان نے کہا کہ عملہ آئے دن غیر قانونی اسلحہ، اور دیگر غیر قانونی سامان کے کیسز سے تو ڈیل کرتا ہی رہتا ہے، تاہم اس قسم کا معاملہ واقعی منفرد تھا۔
We’re letting the cat out of the bag on a hiss-toric find. This CATch had our baggage screening officers @JFKairport saying, “Come on meow”! Feline like you have travel questions reach out to our furiends @AskTSA. They’re available every day, from 8 a.m. – 6 p.m. (ET). pic.twitter.com/LpIkLbAgzC
— TSA (@TSA) November 22, 2022
بعد ازاں ڈیلٹا ایئرلائن پر سفر کرنے والے مسافر کو تلاش کیا گیا، اور ان سے بلی کے بارے میں وضاحت مانگی گئی تو انھوں نے کہا کہ یہ ان کی بلی نہیں ہے، بلکہ کسی اور کی ہے۔
اگرچہ مسافر کو پولیس کے حوالے نہیں کیا گیا، تاہم ان کی فلائٹ بلی کی وجہ سے چھوٹ گئی، اور انھیں اگلے دن جانا پڑا۔ عملے کا کہنا تھا کہ پالتو جانوروں کو ظاہر کیے بغیر ان کو ساتھ لے جانے کی اجازت نہیں ہے، پالتو جانوروں کی اسکریننگ بھی ایک الگ کمرے میں کی جاتی ہے۔