کراچی: پاکستانی فضائی حدود کی بندش کے باعث گزشتہ 18 روز کے دوران 2 ہزار بھارتی پروازیں متاثر ہوئی ہیں۔
تفصیلات کے مطابق پاکستان کی فضائی حدود کی بندش کی وجہ سے بھارتی ایئر لائنز کو گزشتہ اٹھارہ روز میں 400 کروڑ بھارتی روپے سے زائد نقصان ہو چکا ہے، بھارتی ایئر لائنز کو لمبے روٹس کے باعث فیول اور دیگر آپریشنل اخراجات کی وجہ سے مالی نقصان اٹھانا پڑ رہا ہے۔
بھارت کے درجنوں ایئرپورٹ جنگ بندی کے باوجود تاحال بند
انڈیگو ایئر کی تاشقند اور الماتی کے لیے پروازیں تاحال بند ہیں، بھارتی ایئر لائنز کی پروازوں کو ڈائیورٹ کرنے سے دگنے اخراجات کا سامنا کرنا پڑ رہا ہے، ذرائع کا کہنا ہے کہ امریکا جانے والی بھاتی پروازوں کے عملے کو یورپ میں تبدیل کرنا پڑ رہا ہے۔
بھارتی سیکریٹری خارجہ کو ہم وطنوں نے غدار قرار دے دیا
ادھر کراچی ایئرپورٹ ذرائع نے کہا ہے کہ سعودی ایئر لائن نے بھی پاکستان کے لیے فضائی آپریشن بحال کر دیا ہے، سعودی ایئرلائن کی جدہ سے پرواز ایس وی 704 کراچی کے لیے روانہ ہو گئی ہے، ترجمان نے کہا کہ طیارہ کراچی سے حج پرواز ایس وی 3705 کے طور پر جدہ کے لیے روانہ ہوگا۔
