بالی ووڈ کی معروف اداکارہ ایشوریا رائے بچن نے اپنے شوہر ابھیشیک بچن کی سالگرہ کے موقع پر ان دیکھی تصویر پوسٹ کر کے مداحوں کو حیران کردیا۔
ابھیشیک اپنی 49ویں سالگرہ منارہے ہیں اور اس موقع پر ان کے والد نے ایک تصویر پوسٹ کی تھی جس میں انہوں نے اپنے بیٹے کو قیمتی تحفہ دیا تھا۔
تاہم اب اداکارہ ایشوریا رائے بچن نے اپنے شوہر کے نام محبت بھرا پیغام شیئر کیا ہے ساتھ ہی اداکار کی ایک ان دیکھی تصویر بھی شیئر کی ہے جس میں ابھیشیک کو دیکھا جاسکتا ہے۔
View this post on Instagram
گزشتہ سال ابھیشیک بچن اور ایشوریا رائے کے لیے بہت بھاری گزرا کیونکہ پورے سال ہی اس جوڑے کی علیحدگی کی خبریں سوشل میڈیا اور مین اسٹریم میڈیا پر زیر گردش رہا۔
تاہم وقت کے ساتھ ساتھ تمام پیشگوئیاں غلط ثابت ہوئیں اور ابھیشیک اور ایشوریا نے اپنے اپنے انداز سے ان افواہوں کو جھوٹ ثابت کردیا، اب ایشوریا نے اداکار کو ایک بہترین سرپرائز دیا ہے۔
ایشوریا رائے بچن نے اس موقع کو خاص بنانے میں کوئی کسر نہیں چھوڑی، اداکارہ نے اپنے انسٹاگرام اکاؤنٹ پر اپنے شوہر کی بچپن کی ایک پیاری سی تصویر شیئر کی ہے۔
ایشوریا نے اپنے شوہر کی سالگرہ کے موقع تصویر شیئر کرتے ہوئے ایک خوبصورت کیپشن بھی لکھا ’آپ کو سالگرہ مبارک ہو، خوشیوں، اچھی صحت، محبت اور روشنی کے ساتھ، خدا آپ کو سلامت رکھے‘۔
