سابق ملکہ حسن اور بھارتی اداکارہ ایشوریا رائے کی ایک پرانی تصویر انٹرنیٹ پر وائرل ہوگئی جس میں لوگ ان کی بیٹی سے ان کی مشابہت دیکھ کر حیران ہیں۔
بالی ووڈ اداکارہ ایشوریا رائے سنہ 1994 میں ملکہ حسن رہ چکی ہیں، وہ کامیاب ماڈل بھی رہیں جبکہ فلموں میں آنے کے بعد انہوں نے کئی سپر ہٹ فلمیں بالی ووڈ کو دیں۔
وہ کم عمری میں بھی مختلف اشتہارات کے لیے ماڈلنگ کیا کرتی تھیں، اور انہی دنوں کی ایک تصویر سوشل میڈیا پر وائرل ہورہی ہے۔
تصویر میں کمسن ایشوریا ایک پینسل کے اشتہار میں ہیں اور ہاتھ میں پینسل لیے کھڑی ہیں۔
View this post on Instagram
تصویر کی حیران کن بات ان کی بیٹی ارادھیا کی ان سے مشابہت ہونا ہے، لوگوں کا کہنا ہے کہ ارادھیا بالکل اپنی والدہ کی بچپن کی تصویر ہے۔
View this post on Instagram
ایشوریا رائے اس وقت منی رتنم کی فلم کی عکس بندی میں مصروف ہیں جو رواں برس 30 ستمبر کو سینما گھروں میں ریلیز کی جائے گی۔
