اسلام آباد : پاکستان پیپلزپارٹی کے رہنماءاور سینیٹر اعتزازاحسن نے کہا ہے کہ موجودہ حکومت ختم کر کے ایک قومی حکومت بنائی جائے۔
یہ بات انہوں نے اسلام آباد میں میڈیا سے بات چیت کرتے ہوئے کہی، اعتزاز احسن نے کہا کہ وزیراعظم نواز شریف کی حکومت بھان متی کا کنبہ ہے،ان کے ساتھی صرف مال بنا رہے ہیں۔
انہوں نے کہا کہ جو دہشت گرد نہیں، اسے دہشت گرد بنا کر پیش کیا جا رہا ہے، ڈاکٹر عاصم کرپٹ ہو سکتے ہیں، دہشت گرد نہیں ہیں۔
ایک سوال کے جواب میں سینیٹر اعتزاز احسن کا کہنا تھا کہ تمام وزراء ڈرپوک ہیں جو دہشت گردوں کا کچھ نہیں بگاڑ سکتے، ان سب کی چھٹی کرائی جائے، موجودہ حکومت ختم کرکے اور ایک قومی حکومت تشکیل دی جائے۔
