ستائیں دسمبرکویوٹرن نہیں ہوگا،تحریک چلےگی،اعتزازاحسن -
The news is by your side.

Advertisement

ستائیں دسمبرکویوٹرن نہیں ہوگا،تحریک چلےگی،اعتزازاحسن

لاہور: پیپلزپارٹی کےمرکزی رہنما سینیٹر اعتزازاحسن کا کہناہےوزیراعظم نوازشریف کے پاس کوئی راہ فرار نہیں ہے۔انہوں نے کہا کہ 27دسمبر کو یوٹرن نہیں ہوگا بلکہ تحریک چلے گی۔

تفصیلات کےمطابق پیپلزپارٹی کے سینیئر رہنما سینیٹر اعتزازاحسن نے لاہور میں جہانگیر بدر کی رہائش گاہ پر میڈیا سے گفتگو کرتے ہوئے کہا کہ شریف خاندان کو ثبوت دینا ہے کہ جائز ذرائع سے جائیداد بنائی ہے لیکن اس کے بجائے نئی باتیں بتائی جا رہی ہیں۔

اعتزازاحسن نے کہا کہ قطری شہزادے کے عدالت آنے تک یہ خط ردی ہے۔انہوں نے کہا کہ نواز شریف نے پارلیمنٹ میں داستان سنائی،کیا اس میں قطری شہزادے کا نام آیا ؟،وقت گزرنے کے ساتھ یہ نئی باتیں سامنے آئیں۔

انہوں نے کہا کہ یہ قطری شہزادہ کہاں سے آگیا؟اس سے 10سوال کریں گے تو ٹانگیں کانپنے لگیں گی۔ان کا کہنا تھا کہ تحریک انصاف نے مجھ سے کوئی رابطہ نہیں کیا لیکن پاناما لیکس پر مشورہ مانگا تو دوں گا۔

اعتزاز احسن نے کہا کہ یوسف رضا گیلانی اور راجا پرویز اشریف عدالت کے سامنے پیش ہوئے نواز شریف کو بھی پیش ہونا چاہیے،ان کے پاس کوئی راہ فرار نہیں ہے۔

مرحوم جہانگیر بدر کے بارے میں اعتزازاحسن کا کہناتھا کہ ان کی جمہوری اقدارکےلیے قربانیاں ناقابل فراموش ہیں۔انہوں نے کہا کہ جہانگیر بدر کا جمہوریت اور جمہوری اقدار کیلیے کردار بڑا دلیرانہ تھا۔

مزید پڑھیں:ستائیس دسمبر کوحکومت مخالف تحریک کا اعلان کریں گے،خورشیدشاہ

یاد رہے کہ گزشتہ روز اپوزیشن لیڈر خورشید شاہ کا کہناتھاکہ نوازشریف کی وجہ سے ملک خطرات میں ہے۔انہوں نے27دسمبرکوحکومت مخالف تحریک کے اعلان کی بات بھی کی تھی۔

واضح رہے کہ بلاول بھٹو27دسمبر سے پہلے حکومت کے خلاف صف بندی کےلیےحزب اختلاف کی جماعتوں سےرابطے بھی بڑھائیں گے۔

Comments

comments

یہ بھی پڑھیں