اسلام آباد: پیپلزپارٹی کے سینئر رہنما اعتزاز احسن نے بیگم گلثوم نواز کے انتقال پر گہرے رنج و غم کا اظہار کرتے ہوئے شریف خاندان سے معافی مانگ لی.
تفصیلات کے مطابق اے آر وائی سے بات کرتے ہوئے اعتراز احسن نے کہا کہ میری وجہ سے ماضی میں شریف خاندان کی دل آزاری ہوئی، شریف خاندان کی دل آزاری پر ان سے معافی مانگتا ہوں.
اعتزازاحسن نے کہا کہ بیگم کلثوم نوازایک نڈرخاتون تھیں، انھوں نے جمہوریت کے لئے آمر کے خلاف بھرپورجنگ لڑی.
ان کا کہنا تھا کہ میری ہمدردیاں شریف خاندان کے ساتھ ہیں، بیگم کلثوم نےسیاسی زندگی بھی بھرپوراندازمیں گزاری.
مزید پڑھیں: بیگم کلثوم نوازانتقال کرگئیں
یاد رہے کہ سابق وزیراعظم نواز شریف کی اہلیہ بیگم کلثوم نواز آج برطانیہ میں انتقال کرگئیں ، وہ طویل عرصہ سے گلے کے سرطان میں مبتلا تھیں۔
خاندانی ذرائع کا کہنا ہے کہ مسلم لیگ ن کے صدر شہباز شریف ان کا جسدِ خاکی لاہور لانے کے لیے لندن روانہ ہوں گے اور ان کی تدفین جاتی امراء میں کی جائے گی
