اسلام آباد : سینئرسیاستدان اعتزازاحسن نے سابق جج راناشمیم کے بیان حلفی کو مشکوک قرار دے دیا اور کہا اگریہ بیان حلفی جعلی ہے تو لازمی کارروائی ہونےچاہیے۔

تفصیلات کے مطابق سینئرسیاستدان اعتزازاحسن نے سابق جج راناشمیم کےبیان حلفی کو مشکوک قرار دیتے ہوئے کہا رانا شمیم کابیان حلفی بالکل بوگس ہے،اس پربہت شکوک وشہبات ہیں۔

اعتزاز احسن کا کہنا تھا کہ چیف جسٹس اس طرح کی ہدایات نہیں دےسکتا جس کوکوئی اورسن رہاہو، یہ بیان حلفی لندن میں جا کربنایا جاتا ہے، لندن نوازشریف کا گڑھ ہے.

پی پی رہنما نے کہا یہ کیلبری فونٹ،قطری خط کی طرح کامعرکہ ہے، اس میں شک نہیں کہ اس بیان حلفی کے پیچھے کون ہے۔

ان کا مزید کہنا تھا کہ نوازشریف آج تک اپنی منی ٹریل تو دےنہیں سکے ، اگریہ بیان حلفی جعلی ہے تو لازمی کارروائی ہونےچاہیے۔

Comments