شوبز انڈسٹری کی معروف اداکارہ عائزہ اعوان نے انکشاف کیا ہے کہ وہ دوست نہیں بناتیں۔
ایک شو میں بات کرتے ہوئے عائزہ اعوان کا کہنا تھا کہ دنیا میں کہیں بھی میرا کوئی دوست نہیں ہے، انہوں نے کہا کہ میں دوست نہیں بتاتی۔
اداکارہ کا کہنا تھا کہ ویسے تو لوگ ہیں۔۔ جوکہ کہنے کو میرے دوست ہیں، جن کے ساتھ آؤٹنگ ہوجاتی ہے، کھانے کو چلے جاتے ہیں، کبھی مل لیتے ہیں،لیکن میرا بیسٹ فرینڈ کوئی نہیں ہے۔
اداکارہ کا یہ کلپ سوشل میڈیا پر خوب وائرل ہورہا ہے، جس پر سوشل میڈیا صارفین کی جانب سے ملے جلے رد عمل کا اظہار کیا جارہا ہے۔
اس سے قبل اداکارہ نے اے آر وائی نیوز کے پروگرام ’ہر لمحہ پرجوش‘ میں شرکت کی تھی اور معصومانہ میچ میں میزبان نجیب الحسنین کی جانب سے پوچھے گئے سوالات کے جوابات دیے۔
اداکارہ نے کہا کہ میرا زیادہ تر بجٹ ٹریولنگ پر خرچ ہوتا ہے سب سے مہنگی جگہ یورپ جاچکی ہوں اور تقریباً پورا یورپ گھوم چکی ہوں۔
میزبان نے پوچھا کہ آپ کو وہی شخص پسند ہے جو صرف آپ کی بات سنے؟ اداکارہ نے کہا کہ نہیں ایسا نہیں ہے، اختلافات بھی برداشت کرلیتی ہوں۔
ایک سوال کے جواب میں انہوں نے کہا کہ رونے والے کردار اتنے کرچکی ہوں کہ مجھے ایسا لگتا ہے کہ مجھے رونا بہت اچھا آتا ہے اس طرح کے کردار کرنے میں مزہ بھی آرہا ہے۔
میزبان نے سوال کیا کہ نیا ٹیلنٹ سب سے پہلے سیٹ پر آتا ہے اور سب سے آخر میں جاتا ہے؟ عائزہ نے کہا کہ ایسا ہی ہے اس سلسلے کو تبدیل ہونا چاہیے لیکن آپ جدوجہد کرتے ہیں تو اگر کچھ دن جلدی آنا اور دیر سے جانا پڑے تو کوئی بات نہیں ہے اچھے دن بھی آئیں گے۔
عائزہ نے کہا کہ مجھ سے کوئی بات نہ کرے تو میں بھی بات نہیں کرتی، ویسے ہی کسی سے زیادہ گفتگو نہیں کرتی ہوں اور پہل میری طرف سے نہیں ہوتی ہے۔
’مادھوری ڈکشٹ اب دوسرے درجے کی اداکارہ ہیں، ان کا عروج گزر چکا‘
اداکارہ نے کہا کہ انڈسٹری میں اگر جان پہچان نہ ہو تو زیادہ مشکل پیش نہیں آتی ہے ٹیلنٹ پر بھی کام مل جاتا ہے۔
واضح رہے کہ عائزہ نے اے آر وائی ڈیجیٹل کے ڈرامہ سیریل ’تیرے بنا میں نہیں‘ میں ’منفی‘ کردار نبھایا تھا جس کی دیگر کاسٹ میں شہزاد شیخ، سونیا حسین ودیگر شامل تھے۔
