سابق بھارتی کرکٹر اجے جڈیجا نے پاکستان ٹیم کی کوچنگ کی خواہش ظاہر کردی۔
بھارتی میڈیا رپورٹس کے مطابق سابق کرکٹر اجے جڈیجا نے پاکستان ٹیم کی کوچنگ کی خواہش کا اظہار کرتے ہوئے کہا کہ چاہتا ہوں کہ پاکستان ٹیم کی کوچنگ کروں۔
اجے جڈیجا نے ورلڈ کپ 2023 میں افغانستان ٹیم کے مینٹور کے فرائض انجام دیے تھے۔
واضح رہے کہ اجے جڈیجا کو ورلڈ کپ سے قبل افغانستان کرکٹ بورڈ نے ٹیم کا کنسلٹنٹ کوچ مقرر کیا تھا، افغانستان ٹیم نے ورلڈ کپ میں شاندار کارکردگی کا مظاہرہ کیا تھا۔
افغانستان نے ورلڈ کپ میں پاکستان اور انگلینڈ کو اپ سیٹ شکست دی تھی۔
اجے جڈیجا نے 13 انٹرنیشنل میچز میں بھارتی ٹیم کی قیادت کی اور ان کی کپتانی میں بھارت نے 8 میچ جیتے اور 5 میں شکست کا سامنا کرنا پڑا۔
