اسلام آباد : صدر آزاد کشمیر مسعود خان نے کہا جو چنگاری سری نگر میں لگائی گئی اس کے شعلے ہندوستان کو برباد کردیں گے ، عہد کریں ہم کشمیر کو بچائیں گے ،ہندوستان کے مسلمانوں کو بھی بچائیں گے۔
تفصیلات کے مطابق صدر آزاد کشمیر مسعود خان نے یوتھ کنوینشن سے خطاب کرتے ہوئے کہا مقبوضہ کشمیر کے محاصرے کا آج 46واں دن ہے ، کشمیر میں لوگوں کو محصور کر دیا گیا ہے اور ہزاروں لوگوں کو گرفتار کیا گیا۔
مسعودخان کا کہنا تھا کہ انتہا پسند سمجھتے ہیں، بھارتی آرمی چیف کے بیان سے پاکستانی قوم ڈر جائے گی، مقبوضہ کشمیر 9لاکھ بھارتی فوجیوں کا قبرستان بنے گا، جوابی وار ہوگا تو بھارتی فورسز اپنی وردیاں چھوڑ کر بھاگ نکلے گی۔
مقبوضہ کشمیر 9لاکھ بھارتی فوجیوں کا قبرستان بنے گا
صدر آزاد کشمیر نے کہا جوچنگاری سرینگر میں لگائی گئی اسکے شعلے ہندوستان کو برباد کردیں گے، ہندو انتہا پسند جماعتوں کو پیغام ہے اس آگ میں خود بھی راکھ ہوجاؤ گے ، یہ آتش فشاں پھٹے گا تو ہندوستان کا کوئی علاقہ نہیں بچے گا۔
ان کا کہنا تھا کہ 5 اگست کے بعد پاکستانی حکومت،قوم نے مثالی اتحاد کا ثبوت دیا، پاکستان کا مؤقف ہے ہماری جنگ ہندو نہیں انتہا پسندی کیساتھ ہے، آزاد کشمیر، گلگت بلتستان پاکستان کے دفاعی فصیل ہیں۔
مسعود خان نے کہا جنگ کا آغاز ہندوستان نے کیا اس کا خاتمہ ہم کریں گے، عالمی برادری نے پہلی بار کشمیریوں کا کھل کر ساتھ دیا اور اس بار بھارتی مؤقف کومستردکیا ہے۔
جنگ کا آغاز ہندوستان نے کیا اس کا خاتمہ ہم کریں گے
صدر آزاد کشمیر کا کہنا تھا کہ مصلحت کےجال میں پھنسی بڑی طاقتوں کے لب سلےہوئے ہیں، کشمیریوں کی حمایت پر ترکی،چین اور دیگرممالک کا شکر گزارہوں، یورپی پارلیمنٹ کےارکان نے بھی بھارتی بیانیے کو مسترد کردیا۔
انھوں نے کہا نریندر مودی قاتل ہے اور نسل کشی کاشکار ہے ، بھارتی سول سوسائٹی بھی مودی کےانتہاپسندانہ اقدام کی مخالف ہے ، مودی انتہا پسند اقدام پر کھڑا رہا تو اپنی بربادی کا سبب بنے گا۔
مسعود خان کا کہنا تھا کہ پاکستان کو مضبوط کرنا اس کا دفاع کرنا سب کا فرض ہے، عہد کریں آئندہ سالوں میں پاکستان کا شمار پہلے 10 خوشحال ملکوں میں ہوگا، دنیا کی کوئی طاقت کشمیریوں سے ان کا حق نہیں چھین سکتی۔
صدر آزاد کشمیر نے کہا عہد کریں ہم کشمیر کو بچائیں گے ،ہندوستان کےمسلمانوں کو بھی بچائیں گے ، ہم بھارت کے جنون اور جارحیت کا مقابلہ کریں گے ، ہم بھارت کے وحشی درندوں سے دنیا کو آزاد کرائیں گے۔
ہم بھارت کے وحشی درندوں سے دنیا کو آزاد کرائیں گے
ان کا کہنا تھا کہ میں آپ کو کشمیر آزاد کرانے والوں میں گتنا ہوں، آزاد کشمیر میں 27 لاکھ افراد 30سال سے چھوٹے ہیں، افواج پاکستان نے کہا ہے آخری گولی، آخری سپاہی آخری سانس تک جائیں گے۔
مسعود خان نے کہا کشمیریوں پر بھارتی ظلم کیخلاف ہرسرحد کو پار کریں گے، ہم اسلام کے اصولوں کے مطابق بھارتی مظالم کیخلاف جنگ لڑیں گے، پاکستان دنیا کا طاقتور ملک ہے ، گھبرانے کی ضرورت نہیں ،اور آگے بڑھیں۔
