دبئی: متحدہ عرب امارات کا شہر عجمان سیّاحوں اور ملازمت پیشہ افراد کے لیے رہائش کے اعتبار سے سستا ترین شہر ہے۔
ایک رپورٹ کے مطابق متحدہ عرب امارات کی آبادی کا بڑا حصہ دیگر ممالک سے ملازمت اور سیاحت کی غرض سے آنے والے افراد پر مشتمل ہے، جن کے لیے یہ خبر خصوصی دلچسپی کی حامل ہوگی کہ یو اے ای کا سستا ترین شہر کون سا ہے۔
جی ہاں، متحدہ عرب امارات کا وہ شہر عجمان ہے، جہاں سیّاحوں اور ملازمت کی غرض سے مقیم افراد کو انتہائی مناسب کرائے میں اپارٹمنٹز اور بنگلے مل سکتے ہیں۔
عجمان میں صرف 30 درہم فی اسکوائر میں اپارٹمنٹ اور 22 درہم فی اسکوائر فٹ میں بنگلہ کرائے پر دستیاب ہے، جو شارجہ اور دبئی جیسے شہروں سے بھی تین گنا زیادہ سستا ہے۔ جبکہ شمالی امارات کا سب سے منہگا شہر راس الخیمہ میں اپارٹمنٹ کا کرایہ 32 درہم ہے اور بنگلوں کا اوسط کرایہ 52 درہم ہے۔
متحدہ عرب امارات کے ادارے پراپرٹی فنڈر کے مطابق عجمان شہر سیّاحوں کے لیے بہترین شہر ہے، جہاں وہ کم قیمت میں رہائش حاصل کرسکتے ہیں جو شارجہ کی نسبت 6.41 فیصد کم ہے۔
پراپرٹی فنڈر کے اعداد وشمار کے مطابق راس الخیمہ شمالی امارات کا سب سے مہنگا شہر ہے، لیکن اس شہر میں کشیدگی اور جرائم نہ ہونے کے برابر ہیں، یہی وجہ ہے کہ راس الخیمہ کے اپارٹمنٹ اور بنگلوں کی قمیتیں مستحکم رہتی ہیں۔
متحدہ عرب امارات کے حکام پورے یو اے ای کو آنے والے برسوں میں راس الخیمہ کی طرح بنانا چاہتے ہیں، تاکہ یو اے ای آنے والے سیّاحوں اور ملازمت پیشہ افراد کو بہترسے بہتر سہولیات میسر ہوں۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
