پاکستانی ہیکرز کی جانب سے ہیک کی گئی بھارتی ویب سائٹس کا حساس ڈیٹا ڈارک ویب پر برائے فروخت رکھ دیا گیا۔
اے پی پی کے مطابق پاکستان کا بھارت کےخلاف آپریشن بُنیان مَرصوص جاری ہے، پاکستانی سائبر حملے میں بیشتر بھارتی ویب سائٹس کو ہیک کرلیا گیا
پاکستان کے جوابی وار میں ہیک کی گئی بھارتی ویب سائٹس کا ڈیٹا سامنے آگیا ، بھارت کی ہیک کی گئی ویب سائٹس میں بھارتی آسام رائفل ، ڈیپارٹمنٹ آف اٹامک انرجی پورٹل اورانڈین ڈیفنس پروڈکشن کی ویب سائٹس شامل ہیں۔
انڈین ڈیفنس پروڈکشن ویب سائٹ کا حساس ڈیٹا ڈارک ویب پر فار سیل کردیا گیا ، بھارتی دہشت گردی کے ثبوت اور بھارت دہشت گردی کی آماجگاہ ہے، ویب سائٹس پرلکھا جا چکا ہے۔
انفارمیشن ٹیکنالوجی کی دنیا میں بھارت کے جدت کے بلند و بانگ دعوے کھوکھلے ثابت ہوگئے۔
یاد رہے پاکستان سائبرفورس کےجوانوں نے حملہ کر کے بیشتربھارتی ویب سائٹس اور بی جے پی کی آفیشل ویب سائٹ کو ہیک کر لیا تھا۔
ہیک کی گئی ویب سائٹس میں کرائم ریسرچ انویسٹی گیشن ایجنسی،ماہا نگرٹیلی کمیونی کیشن کمپنی لمیٹڈ کی ویب سائٹ ہیک بھارت ارتھ موورز لمیٹڈ،آل انڈیا نیول ٹیکنیکل سپروائزری اسٹاف ایسوسی ایشن شامل تھیں۔
پاکستانی سائبر حملے میں ہیک کی گئی ویب سائٹس کا مکمل مواد اڑا دیا گیا تھا جبکہ بھارت کے 2500سے زائد سرویلنس کیمرے بھی ہیک کر لئے گئےتھے۔
پاکستانی سائبرفورس نے بھارت کی بجلی تنصیبات الیکٹر سٹی ٹرانسمیشن کمپنی لمیٹڈ پربڑا سائبرحملہ کیا اور گرڈ کو ستر فیصد ناکارہ کردیا تھا جبکہ مہاراشٹرا کےتمام ڈومیسٹک اور کمرشل میٹرز کا ریکارڈ اڑا دیا گیا۔
