بالی ووڈ معروف اداکار اکشے کمار نے ہارٹ ٹرانسپلانٹ میں مبتلا لڑکی کے علاج کے لیے لاکھوں روپے عطیہ کردیے۔
بھارتی میڈیا رپورٹس کے مطابق نئی دہلی سے تعلق رکھنے والی 25 سالہ لڑکی ایوشمی شرما کے دل کی پیوندکاری کی جانی تھی جس کے علاج کے لیے کھلاڑی کمار نے 15 لاکھ روپے عطیہ کیے ہیں۔
اداکار کو ایوشی کی بیماری کے بارے میں سمراٹ پرتھوی راج کے ڈائریکٹر کے ذریعے معلوم ہوا تھا۔
رپورٹ کے مطابق ایوشی کے دادا یوگیندر ارون نے کہا کہ ’ڈاکٹر چندر پرکاش دیویدی سے کہا کہ ’میں اکشے کمار سے رقم لوں گا لیکن مجھے اظہار تشکر کی اجازت ہونی چاہیے اور اسی لیے میں بڑے دل والے اداکار کے بارے میں بات کرنا چاہتا تھا۔
ایوشمی شرما کے دادا نے کہا کہ ’اکشے نے یہ بھی کہا ہے کہ اگر علاج و معالجے میں مزید رقم کی ضرورت ہو تو وہ اس کے لیے بھی حاضر ہیں۔
لڑکی کے داد نے مزید کہا کہ ’پوتی دل کے عارضے کے ساتھ ہی پیدا ہوئی تھی اب 25 سال کی عمر میں دل کی پیوندکاری ضروری ہوگئی تھی۔
سوشل میڈیا صارفین کی جانب سے بھی اکشے کمار کے اقدام کو سراہا جارہا ہے۔
View this post on Instagram
واضح رہے کہ بالی ووڈ کے متعدد اداکاروں کی لوگوں کی مدد کرنے کی خبریں سامنے آتی رہتی ہیں اس سے قبل سونو سود اور سلمان خان ودیگر بھی امراض میں مبتلا افراد کی مدد کرچکے ہیں۔